
Zava û malbata xwe bi hêceta ‘kefiyê û stranên kurdî’ hatin girtin  

2022-06-15 16:14:29


	&nbsp;

	STENBOL - Li navçeya Esenyurda Stenbolê zavayê ku kefiya rengê wê kesk, sor û zer danîbû ser mile xwe û 9 kesên pê re ji aliyê dadgehê ve hatin girtin.&nbsp;

	&nbsp;

	Li navçeya Esenyurda Stenbolê di 12’ê hezîranê de zavayek û 9 kesên pê re ku li eywana mehrbirînê ya şaredariyê dawet kiribûn, polîsan ew vexwend îfade girtinê. Zava Mesûd Karçik û yên li gel wî ji bo îfade bidin polîsan çûn Qereqola Kiraçê. Polîsna bi hêceta ku zava kefiya kesk, sor û zer daniye ser mile xwe û yên pêr e binçav kirin.&nbsp;

	&nbsp;

	STRANÊN KURDÎ KIRIN MIJARA SÛC&nbsp;

	&nbsp;

	Li gel kefiye her wiha stranên hatin gotin jî kirine mijara sûc. Polîsan îdia kir ku di dawetê de dirûşmeya “Bijî Serok Apo” hatiye berzkirin û îfadeyan wan ji sûcê “propaganda rêxistinê” girt. Binçavkiriyan tawanbariyan red kir.&nbsp;

	&nbsp;

	Cahît Karçik, Şerîf Karçik, Tahsîn Karçik, Mesût Karçik, Savaş Karçik, Aydin Kaplan, Îbrahîm Kaplan, Umut Kaplan, Îbrahîm Baran û Burhan Topçu piştî karûbarên li qereqolê birin Dadgeha Buyukçekmeceya Stenbolê. Dozger bêyî îfadeyên wan bigire bi îdiaya “propagandaya rêxistinê kirine” bi daxwaza girtinê sewqî Dadgeha Cezayê Sulhê kir.&nbsp;

	&nbsp;

	Dadger derbarê 10 welatiyan de bi îdiaya “propaganda rêxistinê kirine” biryara girtinê da.&nbsp;

	&nbsp;

	Li aliyê din hat zanîn ku derbarê stranbêjin çûne dawetê de jî lêpirsîn hatiye destpêkirin. Tê payîn ku stranbêj jî biçin îfade bidin polîsan.&nbsp;

	&nbsp;

	&nbsp;