
Rojnamevan li Edliyeya Amedê ne: 16 rojnamevan bi daxwaza girtinê sewqî dadgehê hatin kirin   

2022-06-15 16:49:15


	&nbsp;

	AMED -&nbsp;Ji 20 rojnamevanên ku îfadeya wan a li dozgeriyê didome 16 jê bi daxwaza girtinê sewqî dadgehê hatin kirin. Edîtora JINNEWS’ê Gulşen Koçuk hat berdan.&nbsp;

	&nbsp;

	Di çarçoveya lêpirsîna Serdozgeriya Komarê ya Amedê de 8’ê Hezîranê Hevserokê Komeleya Rojnamevanan a Dîcle Firatê Serdar Altan, Midûrê Karên Nivîsan a Rojnameya Xwebûnê Mehmet Alî Ertaş, nûçegihanê Xwebûnê Zeynel Abîdîn Bulut, Midûra JINNEWS'ê Safiye Alagaş, edîtora JINNEWS'ê Gulşen Koçûk, edîtorê Ajansa Mezopotamyayê (MA) Azîz Orûç û rojnamevan Omer Çelîk, Lezgîn Akdenîz, Mehmet Şahîn, Sûat Dogûhan, Ramazan Gecîken, Neşe Toprak, Îbrahîm Koyûncû, Esmer Tûnç, Mazlûm Dogan Guler, Elîf Ungur, Remziye Temel, Abdurrahman Oncu, Kadîr Bayram, Mehmet Yalçin û her wiha welatiyên bi navê Feynaz Koçûk û Îhsan Ergulen hatibûn binçavkirin. Piştî karûbarên îfadeyê yên li Midûriyeta Polîsan vê sibehê binçavkiriyan birin Edliyeya Amedê û li vir karûbarên îfadegirtina wan didome.&nbsp;

	&nbsp;

	PIRSA ‘ŞER ÇI YE?’ JI ROJNAMEVANAN HATIYE KIRIN&nbsp;

	&nbsp;

	Dozger îfadeya edîtorê ajansa me Azîz Orûç girt. Di îfadeyê de dozger bernameyên televîzyonê yên ku Orûç amade kirine, zimanê bernameyan û bi vê ve girêdayî pirsên wek “Şer çi ye? Pirsgirêka kurd çi ye?” ji Orûç pirsîne. Dozger ji rojnamevan Safiye Algaş jî nûçeyên ku wê çêkiriye û naveroka nûçeyan pirs kiriye. Dozger her du rojnamevanan jî bi daxwaza girtinê sewqî dadgehê kir.&nbsp;

	&nbsp;

	KOÇUK HAT BERDAN&nbsp;

	&nbsp;

	Pişt re îfadeya edîtora JINNEWS’ê Gulşen Koçuk hat girtin û daxwaza şertê kontrola edlî kir. Koçuk pişt re hat berdan û hevpîşeyên wê li ber edliyeyê ew pêşwazî kirin.&nbsp;

	&nbsp;

	DOZGER XWEST BÊN GIRTIN&nbsp;

	&nbsp;

	Midûrê Nivîsan ê Rojnameya Xwebûnê Mehmet Alî Ertaş, Hevserokê Komeleya Rojnamevanan a Dîcle Firatê (DFG) Serdar Altan, rojnamevan Elîf Ungur, Mehmet Şahîn, Neşe Toprak, Esmer Tûnç, Omer Çelîk, &nbsp;Zeynel Abîdîn Bûlût, Remziye Temel, Lezgîn Akdenîz, Sûat Dogûhan, Kadîr Bayramû Mehmet Yalçin û Îhsan Ergulen ê bi rojnamevanan re hat binçavkirin bi daxwaza girtinê sewqî dadgehê hatin kirin.&nbsp;

	&nbsp;

	Karûbarên îfadegirtina rojnamevanên din û her du welatiyan berdewam dike.&nbsp;

	&nbsp;