
Îfade girtina rojnamevanan bi dawî bû: 21 kes bi daxwaza girtinê hatin sewqkirin

2022-06-16 02:57:36


	&nbsp;

	
		&nbsp;
	
		DİYARBAKIR - Îfade girtina 20 jê rojnamevan 22 kesên ku li Amedê hatin binçavkirin a li dozgeriyê bi dawî bû. Rojnamevan Gulşen Koçûk hate berdan, 21 kes jî bi daxwaza girtinê sewqî dadgehê hatin kirin.
	
		&nbsp;
	
		Di çarçoveya lêpirsîna Serdozgeriya Komarê ya Amedê de 8’ê Hezîranê Hevserokê Komeleya Rojnamevanan a Dîcle Firatê Serdar Altan, Midûrê Karên Nivîsan a Rojnameya Xwebûnê Mehmet Alî Ertaş, nûçegihanê Xwebûnê Zeynel Abîdîn Bulut, Midûra JINNEWS'ê Safiye Alagaş, edîtora JINNEWS'ê Gulşen Koçûk, edîtorê Ajansa Mezopotamyayê (MA) Azîz Orûç û rojnamevan Omer Çelîk, Lezgîn Akdenîz, Mehmet Şahîn, Sûat Dogûhan, Ramazan Gecîken, Neşe Toprak, Îbrahîm Koyûncû, Esmer Tûnç, Mazlûm Dogan Guler, Elîf Ungur, Remziye Temel, Abdurrahman Oncu, Kadîr Bayram, Mehmet Yalçin û her wiha welatiyên bi navê Feynaz Koçûk û Îhsan Ergulen hatin binçavkirin. Dozgeriyê piştî binçavkirina 8 rojan ifadeya 22 kesan girt. Rojnamevan Gulşen Koçûk bi şertê kontrola edlî hate berdan, 19 rojnamevan û welatî Feynaz Koçûk û Îhsan Ergulen jî bi daxwaza girtinê sewqî dadgehê hatin kirin.
	
		&nbsp;
	
		Tê payîn ku derbarê 21 kesan de dadgeh wê biryarê bide. Bendemayîna malbat û hempîşeyên rojnamevanan a li pêşiya edliyê didome.


	&nbsp;