
Malbata Şenyaşar ji bo Roja Bavan peyamek weşand

2022-06-19 12:48:09


	&nbsp;

	RIHA - Malbata Şenyaşar ku tekoşîna xwe ya edaletê didomine, bal kişand ser Roja Bavan û ev peyam parve kir: “Hecî Esvet jî bavek bû. Herî dawî ji bo ku zarokên xwe bibîne çû nexweşxaneyê û careke din venegeriya.”

	&nbsp;

	Çalakiya Nobeta Edaletê ku malbata Şenyaşar di 9’ê adara 2021’an de li pêşiya Edliyeya Rihayê dabû destpêkirin di roja 468’emîn de didome. Ji ber ku dawiya hefteyê ye û edliye girtî ye, malbatê nobeta xwe li mala xwe ya li navçeya Pirsûsê domand.&nbsp;

	&nbsp;

	Malbatê bi minasebeta Roja Bavan li ser hesaba xwe ya medya dîjîtal bi wêneyekî Hecî Esvet Şenyaşar, ev peyam parve kir: “Hecî Esvet jî bavek bû. Herî dawî ji bo ku zarokên xwe bibîne çû nexweşxaneyê û careke din venegeriya. Cihê goro wî jî bû mijara lêpirsînê lê kesê pirsa ku kê kuştî ye pirs nekir. Roja hemû bavên ku bêsûc di girtîgehê de ne û di rojên zor û zehmet de xwedî li zarokên xwe derdikevin pîroz be. #RojaBavanPîrozBe(#BabalarGünüKutluOlsun)"

	&nbsp;

	&nbsp;

	&nbsp;

	&nbsp;

	&nbsp;