
Îstinafê biryara beraetê ya derbarê 10 polîsên 'peywira xwe îhmal kiribûn' de erê kir 

2022-06-21 09:01:58


	&nbsp;

	AMED - DAIŞ'ê di 5'ê Hezîrana 2015'an de êriş biribû ser mîtînga HDP'ê ya li Amedê. Piştî êrişê 10 polîs bi sûcê "îhmalkarina peywirê" hatibûn darizandin û dadgeha herêmî jî derbarê wan de biryara beraetê dabû. Dadgeha Îstinafê jî biryara beraetê ya dadgeha herêmî erê kir.&nbsp;

	&nbsp;

	Di 5'ê Hezîrana 2015'an de DAIŞ'ê êriş biribû ser mîtînga HDP'ê ya li Qada Îstasyonê. Di êrişê de 5 kes jiyana xwe ji dest dabûn û 210 kes jî birîndar bûbûn. Piştî êrişê derbarê 10 polîsan de bi sûcê "îhmalkirina peywirê" doz hatibû vekirin. Dadgeha Ceza ya Asliye ya 14'an a Amedê jî derbarê van polîsan de biryara beraetê dabû. Piştî vê kesên ku zirar dûtibûn îtiraz kiribûn serî li Dadgeha Îstinafê dabûn.

	&nbsp;

	Dadgeha Îstinafê biryara beraetê ya Dadgeha Ceza ya Asliye ya 14'an a Amedê ya derbarê polîs Kanbî Apaydin, Kerîm Karaboga, Mehmet Alî Cîrît, Îbrahîm Yavûz, Ahmet Togaçar, Dûrsûn Ûsta, Fatîh Donmez, Hamdî Yenden, Huseyîn Yildirim û Mehmet Yasîn Ozer de erê kir

	&nbsp;

	Parêzerên xizmên mexdûran dê li hemberî vê serî li Dadgeha Qanûna Bingehîn bidin.&nbsp;