
Şandeya HDP’ê çû Beyrûdê  

2022-06-22 15:54:17


	&nbsp;

	ENQERE - Şandeyeke ku ji Cîgirên Hevserokên Giştî yên HDP’ê Tulay Hatîmogullari û Garo Paylan pêk dihat bi mebesta hevdîtinan çû Beyrûdê û bi gelek rojnameger, rewşenbîr, nivîskar û siyasetmedaran re hatin ba hev.&nbsp;

	&nbsp;

	Şandeyeke ku ji Cîgirên Hevserokên Giştî yên Partiya Demokratîk a Gelan (HDP) Tulay Hatîmogullari û Garo Paylan pêk dihat, li paytexta Lubnanê Beyrûdê bi gelek rojnameger, rewşenbîr, nivîskar û siyasetmedaran re hevdîtin kir.&nbsp;

	&nbsp;

	Di hevdîtinê de geşedanên li Tirkiye, Lubnan, Rojhilata Navîn û Efrîqeya Bakur hatin nirxandin. Di hevdîtinê de Hatîmogullari û Paylan nêrîn û pêşniyarên HDP’ê yên derheqê mijarê de anîn ziman.&nbsp;

	&nbsp;

	Her wiha bandora şer û pevçûnên li Sûriyeyê yên li ser herêmê jî hatin nirxandin. Rola AKP’ê ya di şerê li Sûriyeyê de, bêkarî, xizanî û koçberiya li herêmê zêde dibe, geşedanên li Lubnanê diqewimin, pirsgirêka kurd û filistiniyan çende mijarên sereke yên civînê bûn. Di nirxandinan de hat gotin ku ji bo çareserkirina van aloziyan têkoşîn û piştevaniyeke hevpar pêş dikeve.&nbsp;

	&nbsp;

	BIRATIYA KURD-EREBAN GIRÎNG E&nbsp;

	&nbsp;

	Hinek tespîtên di civîna çapemeniyê ya piştî hevdîtinê de derketin pêş wiha ne: “Hinek derdorên berjewendîperest ji bo ku ol, mezheb û gelên herêmê bi hev bidin qirkirin, nîjadperestî û neteweperestiyê sor dikin. Ev lîstikên xwînî dikare bi piştevanî û têkoşîna hevpar a gelên Rojhilata Navîn vala bê derxistin. Siyaseta desthilatdariya li Tirkiyeyê ya Osmaniya Nû û dijminatiya wê ya li hemberî kurdan, hem ziyanê digihîne gelên Tirkiyeyê û hem jî digihîne yên herêmê. Di çarçoveya geşedanên dawî de hewceye biratiya gelên kurd û ereb were pêşxistin û ev yek bo herêmê gelek girîng e.&nbsp;

	&nbsp;

	ROJHILATA NAVÎN A DEMOKRATÎK

	&nbsp;

	Têkoşîna li dijî otorîterbûna li herêmê gelek girîng e. Qebûlkirina nasnameyên olî, nasname û çandî û pêşxistina azadiyê dê rê li ber kêmbûna pirsirêkên herêmê ve ke û jiyana hevpar jî xurttir bike. Qebûlkirina mafên neteweya demokratîk û hemwelatiya wekhev dê ji bo demokratîkbûna seranserî herêmê bibe gavekî gelek mezin. Mayîndekirina feraseta azadîxwaziya jinê dê bibe mifteya veguherînên li herêmê. Rojhilata Navîn a demokratîk ne xeyal e. Di mijara behsa xeberê de HDP girîngiyê bi guftûgo û têkoşîna hevpar a bi derdorên siyasî û civakî yên li herêmê re dide.”&nbsp;

	&nbsp;