
Komîsyona Têkel ji bo Aydenîz civiya  

2022-06-23 11:57:24


	&nbsp;

	ENQERE -&nbsp;Komîsyona Têkel ku ji endamên Makeqanûn û Komîsyona Edaletê pêk tê ji bo rakirina parêzbendiya Hevseroka Giştî ya DBP’ê Saliha Aydenîz civiya.&nbsp;

	&nbsp;

	Komîsyona Têkel ku ji endamên Makeqanûn û Komîsyona Edaletê ya Meclisê pêk tên, bi mebesta rakirina parêzbendiya Hevseroka Giştî ya Partiya Herêmên Demokratîk (DBP) Saliha Aydenîz civiya. Ji bo rakirina parêzbendiya Aydenîz 5 fezleke hatine amadekirin. Serokatiya komîsyona jî Serokê Komîsyona Makeqanûnê Yûsûf Beyazit ê AKP’î dike.&nbsp;

	&nbsp;

	Di komîsyonê de Serokwekîlê Koma HDP’ê Sarûhan Oluç, Berdevka Meclisa Jinan a HDP’ê Ayşe Acar Başaran, endamên Komîsyona Edaletê Mehmet Rûştû Tiryakî, Zuleyha Gulum û Abdullah Koç û parlamenter Erdal Aydemîr û Pero Dundar jî amade bûn. Serokwekîlê Koma MHP’ê Muhammet Levent Bulbul jî beşdar bû.&nbsp;

	&nbsp;

	Di destpêka komîsyonê de parlamenterên HDP’ê daxwaza nîqaşa usûlê kirin. Parlamenterê HDP’ê yê Agiriyê Abdullah Koö di dema hevdîtinên komîsyonê de derheqê nîqaşa usûlê de wiha got: “Li gorî xala 63’yan a Rêziknameya Hundirîn di dosyayan de mijarên ne di dosyayên lêpirsînan de hene û bi sedema ku parlamenterên HDP’ê krîmînalîze dike, em dixwazin nîqaşa usûlê bê destpêkirin.”&nbsp;

	&nbsp;

	BILA PAŞVE BÊ ŞANDIN

	&nbsp;

	Serokê komîsyonê Beyazit nîqaşa usûlê da destpêkirin. Piştre jî Koç mafê axaftinê girt û da zanîn ku tevahiya îdiayên di fezlekeyan de hatine kirin li gorî biryarên DMME û AYM’ê sûc nînin. Bi domdarî Koç ev tişt anî ziman: “Biryarên DMME’yê hene ku dibêje daxwaza bikaranîna mafê civîn û xwepêşandanan hatiye binpêkirin. Her wiha biryarên binpêkirinê yên AYM’ê hene. Di fezlekeyan de mafê civîn û xwepêşandanan weke sûc hatiye nîşandan û ev yek li dijî Makeqanûnê ye. Divê ev dosya paşve bên kişandin.”

	&nbsp;

	Komîsyon bi nîqaşên ser usûlê berdewam dike.

	&nbsp;

	Fezlekeyên ku bi mebesta rakirina parêzbendiya Aydenîz, bi hinceta muxalefeta li dijî Qanûna hejmar 2911 a Xwepêşandan û li ber rabûna polîsan hatine amadekirin. Dê Oluç di komîsyonê de derheqê hewldana rakirina parêzbendiya Aydenîz de biaxive.&nbsp;

	&nbsp;

	DÊ KOMÎSYONA AMADEKARIYÊ BÊ AVAKIRIN&nbsp;

	&nbsp;

	Piştî hevdîtinên di komîsyonê de dê Komîsyona Amadekariyê bê avakirin. Piştre jî dê derheqê rakirin an jî nerakirina parêzbendiya Aydenîz de rapor bê amadekirin û ji Komîsyona Têkel re bê şandin. Aydenîz divê di nava 7 rojan de li Komîsyona Amadekar parastina xwe bi devkî yan jî nivîskî bike. Aydenîz bi xwe jî dikare parastina xwe bike û dikare parlamenterekî jî ji bo parastina xwe peywirdar bike.&nbsp;

	&nbsp;