
Mirovên Şemiyê hatin berdan  

2022-06-25 18:07:51


	&nbsp;

	STENBOL &nbsp;– Hevserokên Giştî yê ÎHD'ê Eren Keskîn û Ozturk Turkdogan jî di nav de gelek kesên li Qada Galatasarayê hatin binçavkirin hatin berdan. Parêzvanên mafên mirovan ên hatin berdan li ber ÎHD'ê bi çepikan hatin pêşwazîkirin.&nbsp;

	&nbsp;

	Komeleya Mafên Mirovan (ÎHD) û Weqfa Mafên Mirovan a Tirkiyeyê (TÎHV) têkildarî kesên ku di hefteya 900'î ya çalakiya Dayikên Şemiyê de li Qada Galatasarayê hatin binçvakirin daxuyaniyek dan. Daxuyanî li ÎHD a Şaxa Stenbolê ya li Beyoglûyê hat dayîn. Endamên ÎHD, hiqûqnas, nûnerên rêxistinên civaka sivîl, Parlementera Partiya Demokratîk a Gelan (HDP) Oya Ersoy û xizmên windayan jî di nav de gelek kes tev li daxuyaniyê bûn.&nbsp;

	&nbsp;

	Di daxuyaniyê de ewilî Nûnerê TÎHV'ê yê Stenbolê Umît Efe axivî. Efe bilêv kir ku Qada Galatasarayê beriya daxuyaniyê ji aliyê polîsan ve hatiye dorpêçkirin û got, lê astengî çi dibin bila bibin dê her tim li cem Dayikên Şemiyê bin û xwest parêzvanên mafên mirovan ên hatine binçavkirin demildest bên berdan.&nbsp;

	&nbsp;

	‘WIJDANÊ CIVAKÊ NE'

	&nbsp;

	Metna daxuyaniya hevpar ji aliyê rêvebirê ÎHD'ê Umît Tekay Dîşlî ve hat xwendin. Dîşlî bibîr xist ku çalakiya xizmên windayan a ji sala 1995'an ve li Qada Galatasarayê tê lidarxistin îro ji aliyê polîsan ve hatiye astengkirin. Dîşlî destnîşan kir ku Dayikên Şemiyê/Mirovên Şemiyê parêzvanên mafên mirovan e ku li hemberî hemû zordestiyê têdikoşin û got: "Ew dengê heqîqetê, wijdanê civakê ne."&nbsp;

	&nbsp;

	‘BILA LÊBORÎN BÊ XWESTIN'

	&nbsp;

	Dîşlî destnîşan kir ku sedema binçavkirin parêzvanên mirovan astengkirina lêgerîna wan a ji bo heqîqet û edaletê ye û got: "Ev nayê qebûlkirin û demildest divê dawî li van çewisandinan û vê înkarê bê. Demildest divê parêzvanên mafên mirovan serbest bên berdan û lêborîn ji Dayikên Şemiyê/Mirovên Şemiyê bê xwestin."&nbsp;

	&nbsp;

	BI ÇEPIKAN HATIN PÊŞWAZÎKIRIN

	&nbsp;

	Piştî daxuyaniyê hat hînbûn ku Dayikên Şemiyê û parêzvanên mafên mirovan ên li Midûriyeta Polîsan a Stenbolê ya li Kolana Vatanê di binçavan de hatine berdan. Hevserokên Giştî yên ÎHD'ê Eren Keskîn û Ozturk Turkdogan jî di nav de parêzvanên mafên mirovan ên hatin berdan hatin ber ÎHD'ê. Kesên hatin berdan bi çepikan hatin pêşwazîkirin.&nbsp;