
Derket holê ku leşkerê digotin ‘li nexweşxaneyê mir’ li Zapê hatiye kuştin 

2022-06-26 14:04:46


	NAVENDA NÛÇEYAN - Dihat îdiakirin ku serpel Nûrî Melîh Bozkurt bi birîndarî rakirine nexweşxaneyê û li wir jiyana xwe ji dest da ye. Lê belê bi dîmenan aşkera bû ku ne li nexweşxaneyê lê li Zapê hatiye kuştin.&nbsp;

	Tirkiyeyê di 17’ê nîsanê de bi hevkariya Partiya Demokrat a Kurdistanê (PDK) li dijî herêmên Zap, Metîna û Avaşîn ên Herêma Federal a Kurdistanê êrişeke berfireh dabû destpêkirin. Li gel ku Tirkiye di şer de teknîka herî pêşketî ya NATO’yê, bi dehhezaran leşkeran, komên paramîlîter ên ji Sûriyeyê anîn, hêzên girêdayî PDK’ê û cerdevanan bi kar tîne jî heta niha tu pêşketineke wê di şer de çênebûye. Artêşa tirk di şer de windahiyên mezin dide. Navenda Ragihandin û Çapemeniyê ya HPG’ê her roj bîlançoya pevçûnan parve dike. Lê belê li gel ku pir windahiyan didin jî artêşa tirk derheqê şer û wihdaniyan de agahiyên manîpulatîf parve dike.&nbsp;

	&nbsp;

	Li şûna Wezareta Parastinê, Walîtiya Colemêrgê di 30’ê gulanê de daxuyaniyek da û da zanîn ku çawişên pispor Hasan Çatal, Îslam Sancak û Muhammed Serttaş di pevçûnên 27-30’ê gulanê de jiyana xwe ji dest dane.&nbsp;

	&nbsp;

	ÎDIA KIRIN KU LI NEXWEŞXANEYÊ JIYANA XWE JI DEST DA YE&nbsp;

	&nbsp;

	Di demên piştre de jî hat ragihandin ku di heman pevçûnan de efserê bi navê Nûrî Melîh Bozkurt jî bi giranî birîndar bûye û li nexweşxaneyê jiyana xwe ji dest da ye.&nbsp;

	&nbsp;

	CENAZEYÊ WÎ DANÎN CIHEKÎ KU LEŞKER BIKARIN BIBIN&nbsp;

	&nbsp;

	Li gorî nûçeya Ajansa Nûçeyan a Firatê; dîmenên Bozkurt ên piştî ku li Zapê hatiye kuştin hatin weşandin. Navenda Ragihandin û Çapemeniyê ya HPG’ê di 30’ê gulana 2022’yan de ragihandibû ku di sibeha 29’ê gulanê de li Qada Berxwedanê ya Şehîd Şahîn di navbera hêzên wan û leşkerên tirk de şer qewimî ye û ev agahî dabûn: “Hêzên me dîtin ku leşkerên dagirker nedixwestin bi pêş ve biçin û bi efseran re nîqaş dikirin. Efserên dagirker piştre koma ji 4 kesan pêk dihat ber bi çeperên şer ve şandin. Hêzên me li derdora çeperên şer ev hêz xistin bin kontrola xwe û bi sabotajê lê dan. Hêzên me çûn ser cenazeyên dagirkeran û xistin bin kontrola xwe. Di vê çalakiyê de bi giştî 4 dagirker hatin cezakirin, malzemeyên leşkerî û çekên dagirkeran jî hatin îmhakirin. 2 cenazeyên dagirkeran di bin kontrola hêzên me de man."

	&nbsp;

	Bi domdarî HPG’ê got ku dema endamên wan diçin ser cenazeyan leşkerek hêj sax bû û navê wî jê dipirsin û ew jî dibêje Melîh e. Her wiha HPG’ê da zanîn ku wan cenaze danîn cihekî wisa ku artêşa tirk bikare wergire.


	&nbsp;

	&nbsp;

	&nbsp;

	&nbsp;