
Li Sêrtê û Êlihê du zarok ji şaneşînê ketin: Zarokek mir yek jî bi giranî birîndar bû 

2022-07-01 16:31:26


	&nbsp;

	ELIH/SÊRT - Li Sêrtê zaroka 14 salî bi awayekî guman ji şaneşînê ket û jiyana xwe jidest da, li Êlihê jî zaroka 16 salî di encama ketina şaneşînê de, bi giranî birîndar bû.&nbsp;

	&nbsp;

	Li gel êrişên li dijî jin û zarokan dawî li mirinên bigûman jî nayên. Herî dawî nûçeyên du zarokên keç ên bi awayekî guman ji şaneşînên malên xwe ketine, hatin rojevê.&nbsp;

	&nbsp;

	Roj nîne ku jin û zarok rastî êrişan neyên û di encamên van erişan de jiyana xwe ji dest nedin.&nbsp;

	&nbsp;

	SÊRT

	&nbsp;

	Li taxa Sumer a navçeya Misirca Sêrtê zaroka bi navê B.O. (14) ku bi malbata xwe re dima bi awayekî guman ji şaneşîna mala xwe ya li qata 7’an ket xwarê û piştî ku tîmên tîmên tenduristiyê, hatin cihê bûyerê û zarok rakirin Nexweşxaneya Dewletê ya Misircê. Hat zanîn ku zaroka keç jiyana xwe ji dest daye.&nbsp;

	&nbsp;

	Hat zanîn ku derbarê bûyerê de lêpirsîn hatiye destpêkirin.

	&nbsp;

	ÊLIH

	&nbsp;

	Hat zanîn ku li taxa Kultura Êlihê jî zaroka 16 salî ji şaneşîna mala xwe ya li qata 4’an ketiye xwarê û bi giranî birîndar bûye. Zarok bi ambûlansa ku hatiye cihê bûyerê rakirin Nexweşxaneya Perwerde û Lêkolînê ya Êlihê. Hat destnîşankirin ku zarok rakirine venêrîna awarte û rewşa wê giran e.&nbsp;

	&nbsp;

	Hat zanîn ku derbarê vê bûyerê de lêpirsîn hatiye destpêkirin.

	&nbsp;