
Nobeta Edaletê didome: Bila girtiyên nexweş bên berdan 

2022-07-06 16:40:08


	&nbsp;

	ÎZMÎR - Di Nobeta Edaletê ya ku li pêşiya Girtîgeha Kiriklar a Bûcayê didome de, banga berdana girtiyên nexweş hate kirin.&nbsp;

	&nbsp;

	Nobeta Edaletê ya malbatên girtiyên nexweş û girtiyên berdana wan hatiye taloqkirin, di roja 83’emîn de li pêşiya Girtîgeha Kiriklar a Bûcayê berdewam kir. Malbatên ku pêşmalkên li ser “Ji girtiyên nexweş re azadî” li xwe kirin, dirûşmeyên “Bijî berxwedana zîndanan”, &nbsp;“Heq hiqûq edalet” berz kirin. Endamên Nunertiya Partiya Herêmên Demokratîk (DBP) ya Egeyê jî tev li daxuyaniyê bûn.&nbsp;

	&nbsp;

	&nbsp;‘EM TENÊ NAHÊLIN’

	&nbsp;

	Di çalakiyê de rêveberê DBP’ê Kerem Ay xwest ku binpêkirina mafan ên li girtîgehan tên meşandin bên bidawîkirin. Ay, bang kir ku girtiyên nexweş bên berdan û demildest tedawiya wan bê kirin. Ay, axaftina xwe wiha bi dawî kir: “Tedawiya girtiyên nexweş bila li cem malbatên wan bên kirin. Heya ku ev daxwaz bên pêkanîn em dê bên li pêşiya girtîgehan. Em radigihînin ku em ê tu caran hevalên xwe yên di girtîgeha de tên ragirtin tenê nehêlin.”

	&nbsp;

	Daxuyanî bi dirûşmeyan bi dawî bû. &nbsp;

	&nbsp;

	&nbsp;