
Rêxistina HDP’ê ya Geverê çû serdana goristanan 

2022-07-09 12:05:11


	&nbsp;

	COLEMÊRG - Rêxistina HDP’ê ya navçeya Geverê goristanên li taxên Bajêrge û Ormanê yên li navenda navçeyê ziyaret kirin. Di serdanê de, malbatan peyamên yekitî û azadiyê dan.

	&nbsp;

	Rêxistina Partiya Demokratîk a Gelan (HDP) a navçeya Gever a Colemêrgê bi wesîleya Cejna Qurbanê li navenda navçeyê serdana goristanên taxên Bajêrge û Ormanê kir. Parlamenterê HDP'ê yê Colemêrgê &nbsp;Saît Dede, parlamenterê HDP'ê yê Colemêrgê yê berê Abdullah Zeydan, hevşaredarê Geverê, endamên meclisê, hevserokên rêxistinê navçeyê û gelek welatî beşdarî serdanê bûn.

	&nbsp;

	Ziyaretvan di saetên serê sibehê de çûn goristanan û ji bo kesên di têkoşîna azadî û demokrasiyê de jiyana xwe ji dest dane dua kirin. Di serdanê de beşdaran bal kişandin ser girîngiya têkoşîna azadiyê ya gelan û yekitiya gelê kurd. Bernameya serdanê li goristanên taxên Bajêrge û Ormanê bi duayan bi dawî bû.&nbsp;

	&nbsp;