
Rêveberiya Navenda PENa Kurd diyar bû 

2022-07-11 11:07:22


	NAVENDA NÛÇEYAN - Encamnameya Kongreya 11’emîn a Navenda PENa Kurd diyar bû. Anisa Cehferîmehr û Omer Fîdan ji bo hevserokatiya PENa Kurd hatin hilbijartin.

	Navenda PENa Kurd kongreya xwe ya 11’emîn roja 9’ê tîrmeha 2022’yan li bajarê Oldenburgê yê Elmanyayê bi beşdariya zêditirî 70 endaman pêk anî. Kongre bi dirûşma “Zimanê Me Hebûna Me Ye!” pêk hat û derbarê xebatên Navenda PENa Kurd û xebat û têkoşîna rewşenbîriya kurdî de nîqaş û nirxandin hatin kirin.

	&nbsp;

	Di kongreyê de ewil Serokê PENa Navneteweyî û endamê Navenda PENa Kurd birêz Bûrhan Sonmez, berpirs û rayedarên gelek sazî û enstîtuyên Kurdan ên li çar aliyên cîhanê, gelek navendên PENên din û gelek kesayetan bi nameyên pîrozbahiyê û silavnameyan piştgiriya xwe ya ji bo kongreyê destnîşan kirin.&nbsp;

	&nbsp;

	Di kongreyê de piştî gengeşeyên li ser rêbazê, Komîteya Birêvebir a Giştî ya ku ji 9 endamên esil û 6 endamên cihgir pêk tê bi dengê 67 endaman hat hilbijartin. Her wiha di kongreyê de serokên şanaziyê yên Navenda PENa Kurd Dr. Bêrîvan Doskî û Dr. Zerdeşt Haco bi boneya xebatên ku heta niha ji bo Navenda PENa Kurd kirine hatin pîrozkirin û xelatkirin. Piştî hilbijartinê kongre bi hêvî û daxwazên beşdaran bi awayekî serkeftî bi dawî bû.

	&nbsp;

	Di heman rojê de di çarçoveya Rêbaza Navenda PENa Kurd de, civîna yekemîn a Komîteya Birêvebir a Giştî ya nû bi rojeva karbeşiya navxweyî, birêvebirina endamên dîwana kongreyê Dr. Bêrîvan Doskî, Abdullah Hicab û Kemal Sîdo pêk hat.&nbsp;

	&nbsp;

	Di civînê de karbeşî hat kirin û Omer Fîdan û Anîsa Cahferîmehr wek hevserokên Navenda PENa Kurd hatin hilbijartin. Her wiha Dilşad Xoşnaw wek sekreterê giştî, Salihê Kevirbirî û Dîmen Sohrabî jî wek berpirsên darayî hatin hilbijartin.

	&nbsp;

	Navên endamên Desteya Rêveberiya esil wiha ne: Anîsa Cehferîmehr, Dêrsim Oremar, Dilşad Xoşnaw, Dilşa Yûsif, Mesûd Eqil, Omer Fîdan, Roza Metîna, Salihê Kevirbirî, Şine Fayiq.

	&nbsp;

	Navê endamên Desteya Rêveberiya cihgkir jî wiha ne: Dîmen Sohrabî, Heval Dilbihar, Mîrhem Yîgît, Resûl Geyîk, Ronî Stêrk, Sultan Yaray

	&nbsp;