
‘Mala zanînê’ ya qeyûm bûye mala tiryakkêşan! 

2022-07-19 10:51:27


	&nbsp;

	AMED - Qeyûmê Şaredariya Bajarê Mezin a Amedê par “Mala Zanînê ya Alî Emîrî” dabû îhaleyê lê belê ji ber ku di dema xwe de nehat çêkirin niha bûye cihê tiryakkêşan.&nbsp;

	&nbsp;

	Serokatiya Daîreya Karûbarên Fenê ya Şaredariya Bajarê Mezin a Amedê ya di bin rêveberiya qeyûm de, par li Parka Koşuyoluyê kafeyek hilweşand û biryar da ku “Mala Zanînê ya Alî Emîrî” were avakirin. Cihê behsa xeberê di 9’ê hezîrana 2021’an de dan îhaleyê û îhaleya wê jî Kargeha Lîmeted a Înşaet Veguhestin Paqijî Geştyarî Pîşesazî û Bazirganiyê bi bedela 5 milyon û 257 hezar TL’an girt. Li gorî îhaleyê diviyabû di 16’ê hezîrana 2021’an de dest bi çêkirina wê bihata kirin û di 13’ê kanûna 2021’an de xelas bûbûya.&nbsp;

	&nbsp;

	Bi ser dîroka ku diviyabû çêkirina wê biqediya re 7 meh derbas bûn lê ev cihê navborî hêj jî di halê înşaetê de ye. “Mala Zanînê ya Alî Emîrî” tevî alav û amûrên tê de terkî rizîbûnê hatiye kirin. Înşaeta behsê xeberê niha bûye cihê tiryakkêşan.&nbsp;

	&nbsp;

	Çapemeniya alîgir piştî îhaleyê diyar kiribû ku dê ji vê “Mala Zanînê” 500 xwendekar sûd bigirin û reklama wê kiribû. Lê belê niha bûye cihê tiryakkêşan.&nbsp;

	&nbsp;