
Di Nobeda Edaletê de bal kişandin ser doza Denîz Poyraz 

2022-07-19 15:09:17


	&nbsp;

	&nbsp;

	ÎZMÎR - Di çalakiya Nobeda Edaletê ya Îzmîrê de hat diyarkirin ku di doza Denîz Poyraz de helwesta ku kujer Onur Gencer nîşan dide, hêza xwe ji dewletê digire.&nbsp;

	&nbsp;

	Nobeda Edaletê ya malbatên girtiyên nexweş û girtiyên berdana wan hatiye taloqkrin di roja 87’emîn de li ber Baroya Îzmîrê berdewam kir. Rêveberên rêxistinên HDP’ê yên navçeyên Karşiyaka û Foça desatek dan malbatan.&nbsp;

	&nbsp;

	Hevseroka Rêxistina HDP’a Foçayê Mukaddes Işik di çalakiyê de axivî û got: “Bi mehane ev lêgerîna edaletê didome. Em bi mafdariya malbatên xwe bawerin. Em ê heta dawiyê li dijî zilmê li ber xwe bidin.”&nbsp;

	&nbsp;

	KRÎZ MEZINTIR DIBE&nbsp;

	&nbsp;

	Hevserokê Rêxistina HDP’a Karşiyakayê Menfî Yilmaz jî xwest ku rayedar ji bo girtiyan çareseriyek peyda bikin û heke çareserî neyê peydekirin dê krîza edaletê kûrtir û mezintir bibe.&nbsp;

	&nbsp;

	XWEST TAVILÊ EDALET BICIH WERE&nbsp;

	&nbsp;

	Hanim Sever a di çalakiya Nobeda Edaletê de cih digire jî anî ziman ku ew nikarin pêwendiyê li cem zarokên xwe deynin û bang li Wezîrê Dadê kir ku dawî li îşkence û zextan bîne û ew dixwazin demildest edalet bicih were.&nbsp;

	&nbsp;

	DOZA DENÎZ POYRAZ&nbsp;

	&nbsp;

	Dayika Denîz Poyraz, Fehîme Poyraz jî bal kişand ser doza keça xwe ku duh li Dadgeha Îzmîrê hat lidarxistin û got: “Kujer Onur Gencer di dozê de jî gefan dixwe. Bersiva tu pirsan neda. Nexwest bersiv bide û hêza li pişt xwe bide dest. Ji kesek hesab bide bêtir wek hesab bixwaze tevdigeriya. Heke dewletê destê xwe li pişta wî neda, ew ê jî wisa tevnegeriya. Me li dijî kujeran serî netewand, em ê netewînin jî. Ez ji bo girtiyan û keça xwe edaletê dixwazim.”&nbsp;

	&nbsp;