
Ji AYM’ê biryara Demîrtaş: Vekirina dozê ‘binpêkirina maf e’  

2022-07-20 10:57:34


	&nbsp;

	ENQERE - AYM’ê vekirina doza derheqê Hevserokê Giştî yê HDP’ê yê Berê Selahattîn Demîrtaş de weke “binpêkirina maf” qebûl kir.&nbsp;

	&nbsp;

	Bi hinceta ku di sala 2011’an de di çalakiyekê de ji bo PKK’ê dirûşm hatine berzkirin, derheqê Hevserokê Giştî yê Partiya Demokratîk a Gelan (HDP) Selahattîn Demîrtaş de doz hatibû vekirin. Dadgeha Makeqanûnê (AYM) vekirina dozê ya derheqê Demîrtaş de weke “binpêkirina maf” nirxand û biryar da ku ji Demîrtaş re 13 hezar û 500 TL tazmînat were dayîn.&nbsp;

	&nbsp;

	Di biryarê de hat destnîşankirin ku beşdarbûna kesekî ya di civînekê de, raste rast wî kesî nake rêveberê civînê û nayê wê wateyê ku tev li çalakiyên derqanûnî yên beşdarên din dibe. Her wiha dadgehê got ku serlêder dema di civînê de, hinek kesên din dirûşm berz kirine û alayên rêxistinê vekirine lê belê ev nayê wê wateyê ku serlêder bi xwe ev çalakî kirine. Di çarçoveya vê sedemê de jî vekirina dozê weke “binpêkirina maf” nirxand.&nbsp;

	&nbsp;