
Polîsan dîsa mudaxileyî malbatên girtiyan kirin 

2022-07-21 15:07:31


	STENBOL - &nbsp;Dayikên ku ji bo girtiyan Nobeda Edaletê digirtin, bi lêdanê hatin binçavkirin.&nbsp;

	&nbsp;

	Malbatên girtiyên nexweş û girtiyên berdana wan hatiye taloqkirin di hefteya 18’emîn de li ber Dadgeha Stenbolê ya li Çaglaynê Nobeda Edaletê berdewam kirin. Parlamentera HDP’ê ya Stenbolê Zuleyha Gulum, rêveberên MATUHAYDER’ê û ANYAKAYDER’ê û nûnerên rêxistinên sivîl û partiyên siyasî piştgirî dan malbatan.

	&nbsp;&nbsp;

	Malbatên ku xwestin daxuyanî bidin ji aliyê polîsan ve hatin astengkirin. Ji çalakvanan Kumrî Akgul bertek nîşanî polîsan da û wiha got: “Gelo li welatê ez lê dijîm qey ez ê nikaribim derdê xwe bînim ziman? Helbet ez ê derdê xwe bînim ziman. Zarokên me dimirin. Êdî bes e. Dinya me nabîne.”&nbsp;

	&nbsp;

	Di kêliya ku Akgul diaxivî de polîsan girseyê dorpêç kir. Di vê navberê de polîsan rojnamevanên ku nûçeyê dişopandn jî asteng kir. Polîsan mudaxileyî çalakiyê kir û 8 kesan bi lêdanê binçav kir. Çalakvanan bi berzkirina dirûşmeyan bertek nîşanî muameleya xerab a li dijî xwe dan.&nbsp;

	&nbsp;

	DI BINÇAVAN DE TUNDÎ&nbsp;

	&nbsp;

	Polîsan di hundirê wesayîtê de tundiyê li Zeynep Calîhan, Kumrî Akgul, Cemîle Çîftçî, Duran Turgay, Gulten Sumbul, Rozerîn Degîrmencî û 2 kesên navên wan nehat zanîn kirin.&nbsp;

	&nbsp;

	&nbsp;EDALET NÎNE&nbsp;

	&nbsp;

	Piştî Nobeda Edaletê Parlamenter Zuleyha Gulum daxuyanî da û bertek nîşanî helwesta polîsan da. Gulum destnîşan kir ku di vê helwesta polîsan de jî diyar dibe ku edalet tune ye û li dijî malbatên girtiyan helwestek kêfî tê sepandin. Gulum anî ziman ku li Tirkiyeyê demokrasi tune ye û heke li welatekî girtî bi îşkenceyê re rûbirû bin li derve jî “D” ya demokrasiyê jî tune ye.&nbsp;

	&nbsp;

	&nbsp;