
Di pevçûnan de 3 leşker û 4 cerdevan hatin kuştin

2022-07-25 10:22:27


	COLEMÊRG &nbsp;- Êrişên Tirkiyeyê yên li dijî herêmên Zap, Metîna û Avaşînê berdewam in. Hat zanîn ku di encama pevçûnên duh de 3 leşker û 4 cerdevan hatine kuştin.&nbsp;

	Tirkiyeyê di 17’ê nîsanê de bi hevkariya Partiya Demokrat a Kurdistanê (PDK) li dijî herêmên Zap, Metîna û Avaşîn ên Herêma Federal a Kurdistanê êriş da destpêkirin. Êrişên artêşa tirk berdewam in. Li gorî agahiyên ji herêmê; di encama pevçûnên li herêmên navborî de 3 leşker û 4 cerdevan hatine kuştin. Her wiha hat ragihandin ku di encama pevçûnan de gelek leşker û cerdevan jî birîndar bûne. &nbsp;Hat gotin ku cerdevanên hatine kuştin ji Şemzînan a Colemêrgê ne û agahiya mirina wan ji malbatên wan re hatiye ragihandin.&nbsp;

	&nbsp;

	Şer û pevçûnên dijwar ên li herêmê hêj berdewam in. Hat zanîn ku cenazeyên leşkerên hatine kuştin derbasî Nexweşxaneya Sahra ya li Serê Sêvê hatine kirin. Tê payîn ku piştî kar û barên otopsiyê dê cenaze radestî malbatên wan bên kirin.&nbsp;

	&nbsp;