
Çalakiya xeleka ji mirovan a HDP'ê: Komkujiya Zaxo sûcê li hemberî mirovahiyê ye  

2022-07-28 19:35:08


	&nbsp;

	ÎZMÎR – Rêxistina HDP'ê ya Îzmîrê ku bi dowîzên "Komkujiya Zaxo sûcê li hemberî mirovahiyê ye" xeleka ji mirovan çêkir, bertek nîşanî komkujiya li Zaxoyê da û destnîşan kir ku dijminahiya li hemberî gelê kurd bi komkujî û sirgûnan didome.

	&nbsp;

	Rêxistina Partiya Demokratîk a Gelan (HDP) ya Îzmîrê, derbarê qetilkirina 2 zarok 9 kesên ku di bombebarana Tirkiyeyê de ya li bajarê Zaxo yê Herêma Kurdistana Federe hatin qetilkirin, li ber Navenda Çandê ya Turkan Saylan a Alsancakê çalakiya xeleka ji mirovan li dar xist. Endamên partiyê dowîzên li ser "Komkujiya Zaxoyê sûcê li hemberî mirovahiyê ye" û "Em komkujiya Zaxoyê şermezar dikin" nivîsandî hilgirtin. Di daxuyaniyê de dirûşmeyên "Em berpirsyarên komkujiya Zaxoyê ji Roboskiyê nas dikin" hatin berzlkirin. Nûnerên partiyên siyasî û saziyên li bajêr û gelek welatî beşdarî daxuyaniyê bûn.

	&nbsp;

	Hevseroka HDP'ê ya Îzmîrê Berna Çelîk daxuyaniya çapemeniyê xwend. Çelîk diyar kir ku divê kesên di Komkujiya Zaxoyê de jiyana xwe ji dest dane bên eşkerekirin. Çelîk got: “Cihê ku hatiye bombekirin qada pîknîkê ye. Yanî qadeke ji bo sivîlan e. Vê rewşê careke din nîşanî me da ku hikûmetên ku xwe bi polîtîkayên şer-tahdeyê xwedî dikin, dixwazin cihekî bêhvedanê jî ji gelan, jin û zarokan re nehêlin."

	&nbsp;

	‘GEL BEDÊLÊN ŞER DIDIN'

	&nbsp;

	Çelîk destnîşan kir ku ew li Zaxoyê bûne tiştên li Roboskî, Mexmûr, Şengal û Bakurê Rojhilatê Sûriyeyê qewimîne û got: “Dema ku bi sedan sivîl di komkujiyan de jiyana xwe ji dest dan, bi sed hezaran mirov jî ji cih û warên xwe bûn. Dîsa bi her cure tundî û xizaniyê hat ceribandin û hîna jî tê ceribandin. Em HDP li hemberî van sûcên li dijî mirovahiyê bêdeng nebûn û em ê bêdeng nemînin jî. Li ku dibe bila bibe em ê ji van sûcan hesab bipirsin. Em baş dizanin ku li ku dibe bila bibe yên bedêla herî giran a şer didin gelê feqîr, jin, ciwan û zarok in. Ji ber vê yekê me bi mezinkirina têkoşîna xwe ya ji bo azadiyê bersiv da polîtîkayên şer û tundiyê yên hikûmetê û em ê her tim bidin jî."&nbsp;

	&nbsp;

	Çelîk destnîşan kir ku berpirsyarên Komkujiya Zaxoyê hêzên emperyal û herêmî ne û wiha got: “Yên ku hewl didin komkujî bê jibîrkirin û bêdeng bimînin, qîma xwe tenê bi peyamên qaşo şermezarkirinê tînin. Yên ku di bin navê 'ewlehiyê' de biryara şerê li derveyî sînor didin, ji vê komkujiyê berpirsyar in."

	&nbsp;

	DIJMINATÎ&nbsp;

	&nbsp;

	Çelîk anî ziman ku Tirkiye di encama polîtîkaya şerê qirêj yê li ser esasê dijminatiya li hemberî kurdan a desthilatdariya AKP-MHP'ê de veguheriye qada krîz û aloziyê û bang li hemû demokrasîxwaz, wekhevîxwaz û azadîxwaz kir ku li dijî siyaseta şer daxwaza ji bo aştiyeke rûmet bilind bikin.&nbsp;