
Şaredarê AKP’yî ku Meclisê civand axaftina têkildarî binçavkirinan asteng kir 

2022-07-29 12:54:03


	&nbsp;

	MÊRSÎN - Endamên Meclisa Şaredariya Akdenîzê yên HDP’ê û EMEP’ê tev li civîna Meclisê nebûn. Endamê CHP’ê ku xwest têkildarî binçavkirinan biaxive lê Serokê Şaredariyê yê AKP’yî Mustaa Gultak axaftina wî asteng kir.&nbsp;

	&nbsp;

	Şaredariya Akdenîzê ya Mêrsînê dê duh ji bo serokê şaredariyê rayeya 50 milyon lîre deynkirinê, firotina neguhezên aydê şaredariyê, rayeya kirêkirinê û Parka Yilmaz Guney ji bo veguhertina wargehê dê bi awayek awarte biciviya. Beriya vê civîna awarte 5 endamên Meclisa Şaredariyê yên HDP’ê hatin binçavkrin. Di çarçoveya lêpirsînek ji aliyê Serdozgeriya Komarê ya Mêrsînê de endamên Meclisê yên HDP’yî Bedriye Kuş, Nuran Arslan, Mehmet Bîtkîn, Alî Tanriverdî û Nevzat Baran hatin binçavkirin. Bi binçavkirina van 5 endamê HDP’êr e piraniya muxalefetiya li Meclisê derbasê AKP’ê bû.&nbsp;

	&nbsp;

	Duh ji ber ku piraniya Meclisê rûnenişt civîn taloqî îro hatibû kirin. Îro endamên Meclisê yên HDP’ê û EMEP’ê tev li civînê nebûn. Endamên AKP û CHP’ê tev li civînê bûn. Endamê Meclisê yê CHP’ê Muhîttîn Ertaş têkildarî binçavkirina 5 encamên Meclisê dest bi axaftinê kir. Serokê Şaredariyê yê AKP’yî Mustafa Gultak mudaxileyî axaftina Muhîttîn Ertaş kir û got ev axaftinek derveyî rojevê ye. Endamên Meclisê yên CHP’ê bertek nîşanî rewş ê dan û civînê ter kirin. Gultak ê AKP’yî qet behsa binçavkirina 5 endamên Meclisê nekir û ji berteka hat nîşandan re îdia kir ku “şova siyasî ye”. Civîna Meclisê bi beşdariya endamên AKP’ê berdewam kir.&nbsp;

	&nbsp;

	BERTEK NÎŞANÎ AKP’Ê DAN&nbsp;

	&nbsp;

	Endamên Meclisê yên HDP’ê û EMEP’ê ku civîn protesto kirin li ber avahiya şaredariyê daxuyanî dan. Pişt re endamên CHP’ê jî destek dan daxuyaniyê. Di daxuyaniyê de Ozgur Çaglar ê HDP’yî axivî û bertek nîşanî binçavkirin hevalên xwe û tiştên ku AKP dike da û destnîşan kir ku AKP dixwaze bê endamên din ên Meclisê civînan bi rê ve bibe û biryaran bigire.&nbsp;

	&nbsp;

	Piştî daxuyaniya HDP’ê, endamên Meclisê yên CHP’ê jî daxuyanî dan û bertek nîşanî binçavkirina endamên Meclisê dan.&nbsp;

	&nbsp;

	&nbsp;