
Me dîmenê TIR’a 3’yemîn ku Soylû digot, ‘tune ye’ kişand

2022-08-22 09:06:14


	&nbsp;

	MÊRDÎN - Şahidên bûyêra qezaya li Derîkê gotibûn ku TIR’a 3’emin jî heyê lê ew bi zorê danê sekinandin. Li ser vê gotina şahidan Walitiyê Mêrdînê û Sûleyman Soylû jî gotin ku TIR’a 3’emin ‘tune ye.’ Ajansa me ya Mezopotamyayê dîmenên TIR’a 3’yemîn ku tekerên we teqiyane kişandin.&nbsp;

	&nbsp;

	Di 20’ê tebaxê de li navçeya Dêrika Mêrdinê TIR’a ku ji Kargeha Etî Bakir a Cengîz Holdîngê bar dianî firêna wê teqiya û &nbsp;kete nav welatiyan, di encama qezayê de 21 welatiyan jiyana xwe ji dest dan. Piştî &nbsp;bûyerê, welatiyên ku şahidiniya bûyerê kiribûn gotin, TIR’a 3’yemîn jî hebû û ew bi zorê danê sekinandin.&nbsp;

	&nbsp;

	Wezirê Karên Hûndir Suleyman Soylû ku ji ber bûyerê hatibû Dêrikê gotinên şahidan derewandibûn û îdia kiribû ku TIR’a 3’yemîn ‘tune ye’. Soylû wiha gotibû: “Tu rastiyê TIR’a 3’yemîn nîne û gotinên ku dibêjin ew TIR bi zorê û guleyan dane sekinandin derewe.” Walitiyê Mêrdînê ku heta niha &nbsp;bêdeng bû daxuyanî da û mijara daxuyaniyê jî tenê li ser TIR’a 3’yemîn bû. Walitiyê jî got TIR’a 3’yemîn tune ye.&nbsp;

	&nbsp;

	‘MA’YÊ DÎMENÊN TIR’A 3’YEMÎN KIŞANDIN’&nbsp;

	&nbsp;

	Ajansa me ya Mezopotamyayê (MA) li ser gotinên şahidan kete pey TIR’ê û dîmenên TIR’a 3’yemîn kişand. TIR’a 3’yemîn ku di ser rêya teketina navçeyê de sekinî bû, li ser tijî gûbrê bû û li wir sekini bû. Bi rêçen asfaltê jî aşkera bû ku ew TIR bi zorê sekiniye û tekerekî we jî teqiyaye. &nbsp;Cardin jî tê xuyakirin ku lastikên teker kevin bûne û tekerekî wê jî diryayê.

	&nbsp;