
Piştî birîna daran û çêkirina kuleyên leşkeri rê hate asfaltkirin 

2022-08-29 14:38:02


	&nbsp;

	ŞIRNEX - Rêya gundê Hesena ya girêdayî navçeya Silopiyayê, piştî birîna daran û avakirina kuleyên leşkeri hate asfaltkirin.&nbsp;

	&nbsp;

	Li gundê Hesena yê li quntara Çiyayê Cûdî ku girêdayî navçeya Silopiya Şirnexê ye ji meha tîrmehê vir ve gelek dar hatin birîn. Piştî birîna daran leşker û cerdevanan kule avakirin. Piştî avakirina kuleyan temam bû, rêya gund a bi salan e xerabe ye, hate asfaltkirin. Balkêş e ku Miduriyeta Rê û Veguhastinê ya Îdareya Taybet a Navçeya Şirnexê, rêya gund a ji 10 kîlometreyan pêk dihat di demekî kurt de temam kir.&nbsp;

	&nbsp;

	GUNDÊ SURYANAN

	&nbsp;

	Gundê Hesena ku suryan lê dijîn di salên 1990’î de bi hinceta “ewlehiyê” hatin valakirin û heta serê salên 2000’î jî qedexe bûn. Suryanan li ser valakirina gund koçî bajarên Ewropayê kiribûn. Piştî qedexeya li ser gund rabû, suryan paş ve zivirîn û dest bi avakirina gundê xwe kiribûn.&nbsp;

	&nbsp;