
Li Iraqê herî kêm 15 kes mirin, 350 jî birîndar bûn 

2022-08-30 11:58:56


	&nbsp;

	NAVENDA NÛÇEYAN - Di pevçûnên ku piştî agahiya Mûkteda es-Sadr siyasetê berda hatin destpêkirin de hejmara kesên ku jiyana xwe ji dest dane derket 15’an, 350 kes jî birîndar bûn.&nbsp;

	&nbsp;

	Piştî ku Serokê Tevgera Sadrê Mûkteda es-Sadr biryara berdana siyasetê da, kesên ku piştgirî didin wî li ser Lijneya Wezîran û Qesra Serokkomariyê ya di nava sînorê Herêma Kesk a Bexdayê de girtin. Di navbera hêzên ewlehiyê yên hûndirin û aligirên Sadr de pevçûn derket. Piştî ku pevçûn belavî welat bûn li tevahiya welat qedexeya derketina derve hat îlankirin.&nbsp;

	&nbsp;

	HERÎ KÊM 15 KES MIRIN

	&nbsp;

	Endamên Tevgera Sadrê ên eniya leşkerî ya biçek piştî ya Seraya es-Selamê piştî biryara qedexeyê daketin kolanan. Di pevçûnên ku çekên giran jî tê de hatine bikaranîn de heya niha 15 kes jiyana xwe ji dest dan û 350 kes jî birîndar bûn.&nbsp;

	&nbsp;

	SADR KET GREVA BIRÇÎBÛNÊ

	&nbsp;

	Mûkteda es-Sadr ragihand ku piştî ku pevçûn qewimîne ew ketiye greva birçîbûnê. Ji rêveberên Koma Sadr Hassan el-Azerî li ser hesaba xwe ya medya dîjîtal daxuyanî da û anî ziman ku heya ku bûyerên derketî disekinin û dengê çekan qut dibin dê Sadr greva xwe ya birçîbûnê bidomîne.&nbsp;

	&nbsp;

	&nbsp;

	&nbsp;