
Greva birçîbûnê ya girtiyên nexweş di roja 9’emîn de ye 

2022-09-05 16:32:18


	&nbsp;

	DENÎZLÎ/ÎZMÎR - Greva birçîbûnê ya 3 girtiyên li dijî binpêkirina mafan li Girtîgeha Kiriklarê dane destpêkirin di roja 9’emîn de berdewam dike. Greva birçîbûnê ya li Girtîgeha Denîzliyê jî di roja 36’emîn de ye.&nbsp;

	&nbsp;

	Greva birçîbunê ya bêdem û bêdorveger a Zekî Bayhan, Ramazan Çelîk û Yucel Kizmaz ku li dijî zêdebûna binpêkirina mafan li Girtîgeha Tîpa F a ya Hejmara 2’yan a Ewlehiya Bilind a Kiriklarê dane destpêkirin di roja 9’emîn de berdewam dike. Komîsyona Girtîgehan a Şaxa Komeleya Hiqûqnasên ji bo Azadiyê (OHD) ya Îzmîrê anî ziman ku ew ê di nava hefteyê de careke din biçin serdana girtiyan.&nbsp;

	&nbsp;

	ŞANDE BI DOZGER RE AXIVÎ

	&nbsp;

	Şandeya ji Komîsyona Mafên Mirovan û Hiqûqê ya Partiya Demoktratîk a Gelan (HDP), Komeleya Mafên Mirovan (ÎHD), Komeleya Hiqûqnasên ji bo Azadiyê (OHD) û endamên Baroya Îzmîrê pêk tê, ji bo daxwazên girtiyan bên qebûlkirin bi dozgerê girtîgehê re hevdîtin kiribûn.&nbsp;

	&nbsp;

	DENÎZLÎ

	&nbsp;

	Li aliyên din greva birçîbûnê ya Ekîm Polat (24) ê bi daxwaza mafê tedawiyê li Girtîgeha Tîpa T ya Denîzliyê daye destpêkirin di roja 36’emîn de ye. Dayik Songul Îlker jî ji bo ku mafê tenduristiyê yê kurê wê bê bersivandin ev 28 roj e li pêşiya Gîrtîheha Tîpa T ya Denîzliyê çalakiya rûniştinê didomîne.&nbsp;

	&nbsp;

	Îlker anî ziman ku kurê wê zext û îşkenceyê dibîne û ev bang kir: "Ji ber ku mafê wî yê tenduristiyê hat astengkirin wî dest bi greva birçîbûnê kir. Ez bang li her kesê dikim ku dengê Ekîm bibihîsin û ji bo ku mafê wî yê tenduristiyê &nbsp;pêk were jê re bibin deng."

	&nbsp;

	&nbsp;

	&nbsp;