
Li Şirnexê şampiyona turnuwaya Kemal Kûrkût diyar bû 

2022-09-12 09:42:01


	&nbsp;

	ŞIRNEX - Di Turnuwaya Futbolê ya Kemal Kûrkût a Şirnexê de tîma Florya Gîyîm bi ser ket.&nbsp;

	&nbsp;

	Meclisa Ciwanên HDP’ê ya Şirnexê îsal 3’yemîn Turnuwaya Futbolê ya Kemal Kurkût a Kevneşopî li dar xist. Tîmên di fînalê de man hatin miqailbî hev. Turnuwa bi dirûşma “Girêdayî tiryakê, fihûşê û pişaftinê nemîne, azad bibe” hat lidarxistin. Maça fînalê li Tesîsên Sporê yên Şaredariya Silopiya pêk hat û li seha futbolê pankartên "Girêdayî nemîne azad bijî”, “Li dijî talankirina xwezaya Cûdî bêdeng nemîne”, “Rexistinbûyîna jinê azadiya jinê ye” û “Dayikên Şemiyê rûmeta me ne” hatin daliqandin.&nbsp;

	&nbsp;

	PANKARTA AYSEL TÛGLÛK&nbsp;

	&nbsp;

	Parlamenterê HDP’ê yê Şirnexê Hasan Ozguneş rêveberên HDP, DBP, Dayikên Aştiyê, aktîvîstên TJA’yê û bi sedan welatî li maçên fînalê temaşe kirin. Tîmên jinan ên Asya Yuksel û Pakîze Nayir bi pankarta “Aysel Tûglûk rûmeta me ye. Ji bo Aysel edalet” vekirin û lîstin. Di maçê de tîma Pakîze Nayir bi ser ket.&nbsp;

	&nbsp;

	TÊKOŞÎNA LI DIJÎ TIRYAKÊ&nbsp;

	&nbsp;

	Piştî maçê şahî hat lidarxistin. Welatiyan û lîstikvanan li ber stranan govend gerandin. Di şahiyê de Dayika Aştiyê Emîne Ozerk, Hevşaredarê Sipoliya Suleyman Şavluk û Parlamenter Hasan Ozguneş kurte axaftin kirin û bal kişandin ser belavbûna tiryakê ya di nava ciwanan de û hat xwestin li dijî vê têkoşîn bê kirin.&nbsp;

	&nbsp;

	ŞAMPIYON DIYAR BÛ&nbsp;

	&nbsp;

	Îsal 77 tîm tev li turnuwayê bûn û 2 meh berdewam kir. Tîmên ku ji fînalê re mabûn hatin miqabilî hev. Tîmên Florya Gîyîm û Nova Beton lîstin. Maç bi 0-0 qediya. Serketina maçê bi penaltiyan diyar bû. Di penaltiyan de Florya Gîyîm bi ser ket û ev tîm bû şamiyona îsal. Madalya û kupa ji bo tîmên yekemîn, duyemîn û sêyemîn hatin dayîn. Her wiha madalya û kupa dan lîstikvanên jin ku tev li turnuwayê bûn.&nbsp;

	&nbsp;