
Dozger ji bo rojnamevan Onver ceza xwest 

2022-09-13 13:35:54


	&nbsp;

	WAN - Dozger derbarê nûçegihana JinNewsê Rabia Onver de ya ji ber parvekirinên medya civakî tê darizandin bi îdiaya “propaganda rêxistinê kiriye” ceza xwest.&nbsp;

	&nbsp;

	Nûçegihana JinNewsê Rabia Onver bi hêceta ku li ser hesabê xwe ya medya civakî de parvekirinan kiriye bi îdiaya “propaganda rêxistinê kiriye” doz lê hatibû vekirin. Danişîna ewil a dozê li 2’yemîn a Dadgeha Cezayê Giran a Wanê hat lidarxistin. Onver, nûnerên MLSA’yê û rojnamevan tev li dozê bûn.&nbsp;

	&nbsp;

	Parêzera Onver, Harîka Gunay Karataş a Hevseroka OHD’ê bi rêya SEGBÎS’ê beşdarî danişînê bû.&nbsp;

	&nbsp;

	Onver di danişînê de parastina xwe kir û diyar kir ku parvekirinên wê di çarçoveya azadiya derbirînê de bûne û tawanbariyê li ser xwe red kir.&nbsp;

	&nbsp;

	Parêzer Harîka Gunay Karataş da zanîn ku lêpirsînek li dijî hiqûqê ye û xwest derbarê miwekîla wê de biryara beraetê bê dayîn.&nbsp;

	&nbsp;

	Dozger derbarê dozê de mutalaya xwe pêşkêşî dadgehê kir û xwest Onver bi îdiaya “propaganda rêxistinê” were cezakirin.&nbsp;

	&nbsp;

	Şandeya dadgehê ji bo parêzer dikaribe parastina xwe bike danişînê taloqî 23’yê îlonê kir.&nbsp;

	&nbsp;