
Du kesên pere ji DAIŞ’ê re dişandin hatin girtin 

2022-09-13 16:54:38


	&nbsp;

	NAVENDA NÛÇEYAN - HSD’ê ragihand ku di encama operasyona wan a li navçeya Holê de 2 kesên pere ji DAIŞ’ê re dişandin, girtine.&nbsp;

	&nbsp;

	Fermandariya Giştî ya Hêzên Sûriyeya Demokratîk (HSD) ragihand ku bi hevkariya hêzên Koalîsyona Navneteweyî li dijî hucreyên DAIŞ’ê operasyoneke hevpar li dar xistine.&nbsp;

	&nbsp;

	Di daxuyaniyê de hat gotin ku operasyon li navçeya Holê ya li hemberî Kampa Holê hatiye kirin û di encamê de 2 kesên bi awayeke çalak pere ji DAIŞ’ê re dişandin hatine girtin.&nbsp;

	&nbsp;

	Fermandariyê da zanîn ku wan ev operasyon bi armanca tunekirina çavkaniyên fînansa DAIŞ’ê pêk anîne û ev agahî parve kirin: “Ev operasyon di heman demê de bi mebesta mîsogerkirina ewlehiya Kampa Holê hatiye kirin. Operasyona me ya hevpar a bi hêzên koalîsyonê re, israra hêzên me ya ji bo tunekirina hucreyên terorê, gefên wan ên li ser aramiya Bakur û Rojhilatê Sûriyeyê û xebatkarên rêveberiya xweser zêdetir dike.”&nbsp;

	&nbsp;