
Komîsyonên HDK’ê û HDP’ê yên Ekolojiyê: Em ê di 17’ê îlonê de li Cûdî bin

2022-09-14 14:56:24


	&nbsp;

	STENBOL - Komîsyonên Ekolojiyê yên HDP’ê û HDK’ê destnîşan kirin ku Bakurê Kurdistanê tê çolkirin û diyar kirin ku li dijî polîtîkayên talanê wê di 17’ê îlonê de tev li meşa Cûdî bibin.&nbsp;

	&nbsp;

	Têkildarî meşa Cûdî ku dê di 17’ê îlonê de di pêşengtiya Tevgera Ekolojiyê ya Mezopotamyayê, Kongreya Demokratîk a Gelan (HDK), Partiya Demokratîk a Gelan (HDP), Kongreya Civaka Demokratîk (KCD), Partiya Herêmên Demokratîk (DBP) û Tevgera Jinên Azad (TJA) de bi dirûşmeya “Li dijî hilweşandina şer û talana xwezayê dimeşin” li Rêxistina HDP’a Stenbolê civîna çapemeniyê hate lidarxistin.&nbsp;

	&nbsp;

	Berdevkê Meclisa HDK’ê ya Stenbolê Erkan Tepelî û Berdevka Meclisa Jinan Dîdem Acabey, Berdevkê Komîsyona Ekolojiyê yê HDP’a Stenbolê Volkan Bûlût, Hevserokên HDP’a Stenbolê Ferhat Encu û Îlknûr Bîrol tev li civînê bûn.&nbsp;

	&nbsp;

	QIRQIRINA EKOLOJIYÊ &nbsp;

	&nbsp;

	Bûlût ê ewilî mafê axaftinê girt diyar kir ku li Bakurê Kurdistanê qirkirina ekolojiyê berdewam dike û mînakên qirkirina ekolojiye yên li cîhanê rêz kirin. Bûlût, da zanîn ku desthilat talankirinê li Tirkiyeyê bi biryarname û rêziknameyan rewa dike lê li bajarên kurdan ev hiqûq jî nîne, talankirin bi înîsiyatîfa midurên îdareya mulkî tên kirin û Kurdistan ji sermayeyê re hatiye vekirin.&nbsp;

	&nbsp;

	RENGÊ POLÎTÎKAYA ŞER HATE GUHERTIN&nbsp;

	&nbsp;

	Dûre Dîdem Acabey, diyar kir ku desthilat li Bakurê Kurdistanê bi salan e pêkanînên şerên taybet bi awayekî sîstematîk dîmeşîne. Acabey, da zanîn ku di salên 90’î de bi şewitandinên gundan hewl dan Bakurê Kurdistanê bê mirov bihêlin û destnîşan kir ku îro jî vê yekê bi qirkirina xwezayê pêk tîne. Acabey, diyar kir ku çandinî û sewalkarî dan xelaskirin, gelên herêmê dan koçberkirin û anî ziman ku ev qirkirina ekolojiyê jî polîtîkayeke şer e. Acabey, da zanîn ku ji b ovan polîtakayan bidin rawestandin têdikoşin û wê bi parazvanên jiyanê re di 17’ê îlonê li Cûdî bin û got: “Em li dijî van polîtîkayên dijminane bi hemû gelê herêmê re em ê bi hev re têbikoşin.”

	&nbsp;

	LI DIJÎ POLÎTÎKAYÊN ŞER Û TALANÊ

	&nbsp;

	Hevserokê HDP’a Stenbolê Ferhat Encu diyar kir ku qirkirina li dijî Çiyayê Cûdî di asta herî jor de ye û bi lêv kir ku wê li dijî AKP’ê û MHP’ê meşê li dar bixin. Encu, anî ziman ku Bakurê Kurdistanê dikin çol û wiha got: “Em li dijî van polîtîkayên şer û talanê îtîrazên xwe bînin ziman. Bi sed salan e li dijî Kurdistanê polîtîkayên wisa tên meşandin. Qirkirina çandî û zindiyan tê armanckirin. Em bang li ekolojîstan dikin. Werin em bi hev re li wir dengê xwe bilind bikin û gotina xwe bêjin.”

	&nbsp;

	BI ŞER SERÊ WÊ TÊ NIXUMANDIN

	&nbsp;

	Dû re Hevseroka HDP’a Stenbolê Îlknûr Bîrol axivî. Bîrol da zanîn ku bi destê “hevkarên herêmî” berîka patronan tê dagirtin û anî ziman ku bi siyaseta şer û pevçûnê ser hêrsa qezençkirina sermayedaran tê nixumandin. &nbsp;

	&nbsp;

	BANGA PIŞTEVANIYÊ

	&nbsp;

	Bîrol, diyar kir ku divê herkes qirkirina ekolojîk bibînin û li dijî vê rawestin. Bîrol banga piştevaniyê li herkesê kir. &nbsp;

	&nbsp;