
Greva birçîbûnê ya li Kiriklarê didome: Girtî zihîf bûne  

2022-09-16 20:09:13


	&nbsp;

	ÎZMÎR - Li Girtîgeha Kiriklarê çalakiya greva birçîbûnê ya girtiyên nexweş a li dijî binpêkirina mafan di roja 20’an de didome. Parêzerên OHD’î ragihandin ku girtî zihîf bûne.&nbsp;

	&nbsp;

	Li Girtîgeha Kiriklar a Hejmar 2 a Tîpa F'yê greva birçîbûnê ya bêdem û bêdorveger ku di 28’ê Tebaxê de ji aliyê girtiyê nexweş Zekî Bayhan, Ramazan Çelîk û Yucel Kizmaz ve li dijî binpêkirinên mafan hatibû destpêkirin, dewam dike. Di 5'ê Îlonê de Îbrahîm Tikan, Behram Sagdiki û Mehmet Farûk Ayaz jî tevlî çalakiyê bûbûn.

	&nbsp;

	3 GIRTIYÊN DIN JÎ TEVLÎ GREVÊ BÛNE

	&nbsp;

	Parêzerên endamê Komeleya Hiqûqnasên Ji Bo Azadiyê (OHD) daxuyandin ku îro serdana girtgehê kirine û ji wan re hatiye gotin ku Halîs Daghan, Remzî Ozhan û Hakki Tûrgay jî daxilî greva birçîbûnê ya bêdem û bêdorveger bûn.

	&nbsp;

	ZIHÎF BÛNE

	&nbsp;

	Parêzerên OHD'î ku bi muwekîlên xwe re hevdîtin kirin diyar kirin ku midûrê girtîgehê daxwazên girtiyan qebûl nake. Parêzeran diyar kir ku girtiyên di greva birçîbûnê de zihîf bûne û gotin ku Zekî Bayhan 10, Îbrahîm Tikan 6 û Ramazan Çerîk 6 kîlo dane û lazmatiyên wan nayên dayîn.&nbsp;

	&nbsp;

	DAXWAZÊN WAN

	&nbsp;

	Daxwazên girtiyên nexweş ên di greva birçîbûnê de wiha ne: “Divê girtiyên nexweş di heman odeyan de neyên girtin, divê têlên li ser hewadariyê bên rakirin û sînordarkirina li ber aktivîteyên sporê bên rakirin.&nbsp;