
AYM’ê daxwazên HDP’ê red kir  

2022-09-20 15:22:34


	&nbsp;

	ENQERE - Dadgeha Qanûna Bingehîn daxwazên HDP’ê yên ji bo delîlên lêzêdekirî bi temamî red kir &nbsp;

	&nbsp;

	Partiya Demokratîk a Gelan (HDP) di 26’ê tîrmehê di çarçoveya doza girtinê de ji bo delîlên lêzêdekirî parastina xwe pêşkeşî Dadgeha Qanûna Bingehîn kir. Parastin ji 13 rûpelan pêk dihat û dihat xwestin ku fezlekeyên derheqê Parlamentera HDP’ê ya Amedê Semra Guzel û parlamenterê berê Behçet Yildirim de ku ji bo girtinê weke delîl hatibûn pêşkeşkirin ji dosyayê bên derxistin û ji ber ku endamê AYM’ê Kenan Yaşar bi sedema “Îhlas-i rey” nikare bêalî tevbigere, divê doz bê redkirin. Her wiha di parastinê de hat xwestin ku qeydên dengên bi kurdî ku weke CD hatibûn şandin wergerînin tirkî û ji wan re bên şandin. Di nava du CD’an de ku Serdozgeriya Komarê ya Dadgeha Bilind weke delîlên lêzêdekirî pêşkeş kiribûn, 281 deng hene.&nbsp;

	&nbsp;

	DAXWAZA REDKIRINA DOZÊ

	&nbsp;

	Di parastinê de îtîrazên li dijî usûlê û îçtîhadên Dadgeha Bilind jî cih girt û hat destnîşankirin ku lêpirsîn û fezlekeyên weke delîlên lêzêdekirî hatine qebûlkirin an jî tu têkiliya xwe bi doza girtinê û hiqûqê nîne. Di parastinê de hat destnîşankirin ku lêpirsînên derheqê Semra Guzel de hatine destpêkirin, beriya ku Guzel bibe endama HDP’ê hatine destpêkirin û ew lêpirsîn jî hêj berdewam e. Di parastinê de li ser sedemên hatine destnîşankirin, hat xwestin ku doz bê redkirin.&nbsp;

	&nbsp;

	DAXWAZA ÎHSAS-I REY

	&nbsp;

	Her wiha di parastinê de hat gotin ku endamê Dadgeha Qanûna Bingehîn Kenan Yaşar nikare di dozê de bêalî tevbigere û hat xwestin ku ji dozê vekişe.&nbsp;

	&nbsp;

	AYM’ê jî hemû daxwazên di parastinê de hatine rêzkirin, red kir. Çavkaniyên partiyê dan zanîn ku biryar hêj ji wan re nehatiye şandin û li gorî nêrîna wan, ji bo 281 qeydên dengên bi kurdî jî qederê 30 rojan dem hatiye dayîn. Piştî biryara AYM’ê jî Serdozgerê Komarê yê Dadgeha Bilind Bekir Şahîn daxuyanî da û wiha got: “Parastina me ya devkî amade ye. Dema bangî me kirin, em amade ne ku parastina xwe ya devkî bikin.”&nbsp;

	&nbsp;

	PÊVAJO DÊ ÇAWA BIMEŞE?

	&nbsp;

	Piştî ku pêvajoya parastina bi nivîskî temam bûn, di dîrokeke ku ji hêla AYM’ê ve hatiye diyarkirin de dê Serdozgerê Komarê yê Dadgeha Bilind Bekir Şahîn daxuyaniya bi devkî bide û rayedarên HDP’ê jî parastina bi devkî bikin.&nbsp;

	&nbsp;

	Piştî temambûna vê pêvajoyê, raportorê DAdgeha Qanûna Bingehîn dê derheqê dozoê de agahî û belgeyan kom bike û derheqê esasê de rapora xwe amade bike. Dema ev kar û bar dimeşin, dê Serdozgeriya Komarê ya Dadgeha Bilind û HDP dê bikarin delîlên lêzêdekirî yan jî parastina lêzêdekirî ya nivîskî pêşkeş bike.&nbsp;

	&nbsp;

	Bi belavkirina raporê li endamên Dadgeha Bilind re dê Serokê Dadgeha Qanûna Bingehîn Zuhtu Arslan ji bo civînê rojekê diyar bike û endamên wê dê di wê rojê de bicivin û daxwaza girtinê binirxînin.&nbsp;

	&nbsp;

	Dê biryara doza girtinê ya HDP’ê ji hêla 15 endamên Dadgeha Qanûna Bingehîn ve bê dayîn. Ji ber rewşên di xala 69’emîn a Qanûna Bingehîn de hatine destnîşankirin, &nbsp;ji bo bi temamî girtina partiyê yan jî heta astekê bêparhiştina wê ya ji alîkariya dewletê tenê heke ji endamên dadgehê ji 3 paran 2 bibêjin erê dikare bê kirin.&nbsp;

	&nbsp;