
Xebatkarê Modernîteya Demokratîk Dîşari hat girtin 

2022-09-26 17:02:38


	&nbsp;

	STENBOL - &nbsp;Xebatkarê Kovara Modernîteya Demokratîk Ramazan Dîşari bi hincetên qerta danasînê ya kovarê sexte ye”, nûçeyên derheqê wî de hatine weşandin û kovara ku difirot, hat girtin.&nbsp;

	&nbsp;

	Xebatkarê Kovara Modernîteya Demokratîk Ramazan Dîşari duh dema di kongreya Partiya Demokratîk a Gelan (HDP) a Tekîrdagê de kovar belav dikir, hat binçavkirin. Dîşari li Midûriyeta Emniyetê ya Tekîrdagê dihat ragirtin û bi îdiayên “endamtiya rêxistinê”, “propagandaya rêxistinê” û “fînansmaniya rêxistinê dike” îfade da emniyetê.&nbsp;

	&nbsp;

	Dîşari, sûcdariyên li emniyetê dihatin kirin red kir û da zanîn ku kovaran ji weşanxaneyan digire û difiroşe û ev yek jî sûc nîne.&nbsp;

	&nbsp;

	NÛÇEYÊN DERHEQÊ WÎ DE WEKE SÛC NÎŞANDAN

	&nbsp;

	Di heman demê de Dîşari di dema êrişa li dijî avahiya HDP’a Bahçelîevlerê ya di 28’ê kanûna 2021’an de li avahiya partiyê bû û di êrişê de ji hêla êrişkar Muhammet Eren Sutçu ve hatibû birîndarkirin. &nbsp;Têkildarî êrişê jî Dîşari bi Ajansa Mezopotamyayê (MA) re axivî bû. Dîşari, di îfadeya xwe de destnîşan kir ku endamê HDP’ê ye û nûçeyên derheqê wî de ne tenê di MA’yê de lê di gelek malperên nûçeyan de hatine weşandin.&nbsp;

	&nbsp;

	Dîşari, îro sewqî Edliyeya Tekîrdagê hat kirin û dozgeriyê bi daxwaza girtinê sewqî 2’yemîn Dadgeriya Cezayên Silhê ya Tekîrdagê kir. Dîşari, li dadgeriyê jî heman îfadeyê xwe dubare kir.&nbsp;

	&nbsp;

	Parêzerê Dîşari, Ozcan Kiliç da zanîn ku dahata kovaran hezar lîre jî nagirin û wiha got: “Lewma mirov nikare bi vê yekê alîkarî fînansî daye rêxistinê. Miwekîlê min yek ji berpirsyarên kovarê nîne û lewma nikare bê sûcdarkirin. Qerta çapemeniyê ya li ser Dîşari jî tenê qerta danasînê ye. Delîlên heyî di dosyayê de hene û gumaneke ku delîlan tune bike li holê nîne. Her wiha navnîşana wî diyar e û gumana revê jî nîne. Ji ber vê sedemê jî dixwazim ku miwekîlê min bi awayekî negirtî bê darizandin.”&nbsp;

	&nbsp;

	ÎDIAYA QERTA DANASÎNÊ ‘SEXTE’ YE

	&nbsp;

	Piştî kar û barên îfadegirtinê yên li Dadgeriya Cezayên Silhê, şandeya dadgehê îdia kir ku qerta danasînê ya li ser Kovara Modernîteya Demokratîk “sexte” ye. Her wiha dadgeriyê bi hinceta “naverok” û “wesfa” Kovara Modernîteya Demokratîk, biryara girtina Dîşari da. Dîşari, şandin Girtîgeha Mûratli ya Tekîrdagê.&nbsp;

	&nbsp;