
Di çalakiyên 9’ê Cotmehê de herî kêm 139 kes hatin binçavkirin

2022-10-09 17:44:23


	&nbsp;

	NAVENDA NÛÇEYAN - Komploya Navneteweyî ya 9’ê Cotmehê ya li dijî Rêberê PKK’ê Abdullah Ocalan li gelek bajaran hat protestokirin. Di encama êrişên polîsan de herî kêm 139 kes hatin binçavkirin.&nbsp;

	&nbsp;

	Di 24’emîn salvegera Komploya Navneteweyî ya 9’ê Cotmehê ya li dijî Rêberê PKK’ê Abdullah Ocalan de li gelek bajarên bakurê Kurdistanê û Tirkiyeyê çalakiyên protestoyî hatin lidarxistin. Amed, Agir, Wan, Stenbol, Şirnex û Mêrdîn jî di nav de li gelek bajaran polîsan êrişî çalakvanan kirin. Di encama êrişên polîsan de gelek kes hatin derbkirin û binçavkirin.&nbsp;

	&nbsp;

	RIHA&nbsp;

	&nbsp;

	Di çalakiya şermezarkirina Komploya 9’ê Cotmehê ya Rihayê de welatiyên bi navên Omer Kistak, Hatîce Goktepe û Îbrahîm Damdan hatin derbkirin û binçavkirin. Welatiyê bi navê Serhat Uka jî piştî meşê hat binçavkirin. &nbsp;

	&nbsp;

	ÎZMÎR&nbsp;

	&nbsp;

	Di çalakiya li Îzmîrê de Hevserokên HDP’a Îzmîrê Berna Çelîk û Çinar Altan û welatiyekî navê wî nehat zanîn, hatin binçavkirin.&nbsp;

	&nbsp;

	WAN

	&nbsp;

	Di encama êrişa polîsan a li dijî çalakiya li Wanê de rêveberên HDP’ê jî di nav de herî kêm 55 kes hatin binçavkirin.&nbsp;

	&nbsp;

	COLEMÊRG&nbsp;

	&nbsp;

	Li navçeya Gever a Colemêrgê polîsan bi dijwarî êrişî çalakvanan kir. Di encama êrişa polîsan de Parlamenterê HDP’ê yê Îdirê Habîp Eksîk birîndar bû. Her wiha Nûçegihanê Ajansa Nûçeyan a Mezopotamyayê (MA) Mazlûm Engîndenîz, Nûçegihana JINNEWS’ê Rabîa Onver jî di nav de herî kêm 20 kes hatin binçavkirin.&nbsp;

	&nbsp;

	AMED&nbsp;

	&nbsp;

	Cîgira Hevserokê Giştî yê ji Birêxistinkirinê Berpirsyar a HDP’ê Ozlem Gunduz, endamên PM’a HDP’ê Beybûn Aslan û Racî Bîlîcî, Hevserokê DBP’a Amedê Hayrettîn Altûn, Hevserokên HDP’a Amedê Gulistan Atasoy û Zeyat Ceylan, Cîgirê Hevserokê HDP’a Amedê Mervan Yildiz, Emîne Înan, Şadiye Hayme, Hevseroka MEBYA-DER’ê Meryem Soylu, Fîgen Ektî, Mehmet Zekî Bagcik, Halîl Memîş, Mîthat Altaç, Mehmet Alî Altinkaynak, Husnu Aslan, Mehmet Şîrîn Gurbuz, Mehmet Asana, Sedat Yîgît, Mûrat Çoban, Şîrîn Şehîr, Mehmet Oruç, Muharrem Bulat, Meryem Yildiz û kesên bi navên Meryem, Leyla, Hebûn, Sumeyye, Beytocan, Abîdîn û Vedat ku paşnavên wan nehatin zanîn jî di nav de herî kêm 31 kes di êrişa polîsan a li Amedê de hatin binçavkirin.&nbsp;

	&nbsp;

	STENBOL&nbsp;

	&nbsp;

	Di êrişên polîsan ên li dijî çalakiyên li Cehdeya Îstîklalê û navçeyên Kadikoy û Esenyurtê de Hevberdevka HDK’ê Esengul Demîr û nûçegihanên MA’yê Esra Solîn Dal û Omer Îbrahîmoglû jî di nav de herî kêm 26 kes hatin binçavkirin.&nbsp;

	&nbsp;