
Ji çar aliyên cîhanê ji bo Abdullah Ocalan daxwaza azadiyê kirin 

2022-10-10 10:19:39


	&nbsp;

	NAVENDA NÛÇEYAN - Bi deh hezaran kesên ji bo komploya 9’ê Cotmehê şermezar bikin li çar aliyê cîhanê derketin qadan, azadiya Rêberê PKK’ê Abdullah Ocalan qîr kirin.&nbsp;

	&nbsp;

	Komploya navnetewî ku li dijî Rêberê PKK’ê Abdullah Ocalan ê di bin tecrîdeke girankirî de li Girtîgeha Tîpa F a Îmraliyê tê ragirtin di 9’ê Cotmeha 1998’an de hate destpêkirin 24 sal li pey xwe hişt. Komploya li dijî Ocalan duh li çar aliyê cîhanê hate şermezar kirin.&nbsp;

	&nbsp;

	BAKUR Û ROJHILATÊ SÛRIYEYÊ

	&nbsp;

	Bakur û Rojhilatê Sûriyeyê ku gavên destpêkê yên komployê lê hatin avêtin, bû yek ji navendên çalakiyan. Bi hezaran koçberên ji Şehba û Efrînê, komploya li dijî Ocalan hatiye kirin bi meşeke li dar xistin şermezar kirin. Li Qamişlo, Hesekê, Dêrik, Girkê Legê, Çilaxa û Til Koçerê jî bi hezaran kesan komploya ku weke “Roja reş” bi nav dikin şermezar kirin.&nbsp;

	&nbsp;

	ŞERMEZARKIRINÊN GIRSEYÎ&nbsp;

	&nbsp;

	Amed, Wan, Agirî, Şirnex, Riha, Colemêrg, Stenbol û Îzmîr jî di nav de bi hezaran kes duh li gelek bajaran li ser piyan bûn. Meş û daxuyaniyên ku tevî êrîşa polîsan û gefa girtinê jî hatin kirin, komplo hate şermezarkirin. Di xwepêşandan û çalakiyan de dirûşmeya sereke “Bijî Serok Apo” bû, daxwaza sereke jî bû azadiya fizîkî ya Abdullah Ocalan.

	&nbsp;

	LI ÇAR ALIYAN KOMPLO HATE ŞERMEZARKIRIN

	&nbsp;

	Li gelek welatên weke Swêd, Brîtanya, Fransa û Fînlandiyayê jî li dijî komploya li dijî Ocalan bertek hatin nîşandan. Kurdistaniyên li Stockholmê dijîn bi posterên Ocalan û pankarta bi nivîsa “Azadiya Rêber Apo azadiya min e” meşeke girseyî li dar xistin .&nbsp;

	&nbsp;

	Di meşê de her wiha ji bo PKK ji “lîsteya rêxistinên terorê” ya Yekitiya Ewropayê (YE) bê derxistin îmze hatin komkirin. Bi banga Meclîsa Gelê Kurd a Londonê li Dalstonê xwepêşandaneke girseyî û meş hate lidarxistin. Çalakiya protestoyî ya li ber avahiya Mala Gel ya Dalstonê dest pê kir, gelek caran dirûşmên ji bo Ocalan hatin qiriyan.&nbsp;

	&nbsp;

	Li bajarên Bordeaux û Toulouse yên Fransayê û li paytexta Fînlandiya Helsînkiyê jî çalakiyên şermezarkirina komployê pêk hatin.&nbsp;

	&nbsp;