
Êrişa bi çekên kîmyewî li pêşiya Parlamentoya Ewropayê hatin şermezarkirin 

2022-10-20 14:10:10


	&nbsp;

	NAVENDA NÛÇEYAN - Kurdistanî û dostên wan bi mebesta şermezarkirina êrişa bi çekên kîmyewî yên ku artêşa tirk li herêmên Zap, Metîna û Avaşînê dike, li pêşiya Parlamentoya Ewropayê çalakî li dar xistin.&nbsp;

	&nbsp;

	Bi mebesta şermezarkirina êrişên çekên kîmyewî ku dewleta tirk li dijî herêmên Zap, Metîna û Avaşîn ên Herêma Federal a Kurdistanê li dijî gerîlayên HPG/YJA Starê dike, kurdistanî û dostên wan li ser banga Kongreya Civaka Demokratîk a Kurdistanê - Ewropa (KCDK-E) li Qada Luksemburg a li pêşiya Parlamentoya Ewropayê (PE) kom bûn û çalakî li dar xistin. Bi mebesta balkişandina ser êrişên bi çekên kîmyewî, beşdaran kincên spî li xwe kirin. Di çalakiyê de beşdaran gelek caran dirûşmên “Erdogan terorîst” û “Tirkiye bombebaran dike, NATO fînanse dike" hatin berzkirin.&nbsp;

	&nbsp;

	Çalakvanan wêneyên 17 gerîlayên bi çekên kîmyewî hatine qetilkirin hildan û bi navê amadekarên çalakiyê belavok hate xwendin. Di belavokê de hat gotin ku divê OPCW guh bide gelê kurd û IPPNW û pisporên navneteweyî. Bi domdarî ji OPCW’ê hat xwestin ku bi kar anîna çekên kîmyewî ji hêla dewleta tirk ve lêkolîn bike, şermezar bike û pêşî lê bigire.&nbsp;

	&nbsp;

	BANGA MEZINKIRINA TÊKOŞÎNÊ

	&nbsp;

	Hevserokê KCDK-E'yê Yuksel Koç jî di çalakiyê de axivî û bang li her kesî kir ku xwedî li gerîlayan derkevin û seferber bibin. Her wiha Koç, bi sedema ku nahêle komên pispor biçin li herêmê lêkolînan bikin, PDK şermezar kir. Li ser navê PYD’ê jî Zozan Dêrik axivî û bang li gelê kurd kir ku li dijî bikaranîna çekên kîmyewî, têkoşîna xwe mezintir bikin.&nbsp;

	&nbsp;

	POLÎSAN BI XAZA ÎSOTÊ ÊRIŞÎ KIR

	&nbsp;

	Piştî axaftinan jî çalakvanan berê xwe dan Parlamentoya Ewropayê. Lê belê polîsan rê li ber girt û xaza îsotê avêtin çalakvanan. Her wiha polîsekî bi axaftina bi tirkî êrişî çalakvanan kir û vê jî alozî hêj mezintir kir. Çalakvanan bertek nîşan dan û ji polîs re gotin “faşîst.” Piştre jî dor li çalakvanan hat girtin. Di encama berxwedana çalakvanan de biryar hat dayîn ku li ser navê çalakvanan komek derbasî PE’yê bibe û alozî bi dawî bû.&nbsp;

	&nbsp;

	DOSYA DAN PE’YÊ&nbsp;

	&nbsp;

	Komê, dosyaya ji hêla KCDK-E’yê ve hatiye amadekirin pêşkeşî PE’yê kir. Di dosyayê de ji Konseya Ewropayê û saziyên navneteweyî hat xwestin ku ji bo lêkolînkirina mijarê bikevin nava liv û tevgerê. Her wiha ji OPCW’ê jî hat xwestin ku şandeyekê bişîne başûrê Kurdistanê.&nbsp;

	&nbsp;