
Li Dîlokê 8 kes hatin berdan  

2022-10-21 15:06:50


	&nbsp;

	DÎLOK - Li Dîlokê 8 kesên bi hêceta ku di pîrozbahiya Newrozê de li gel stranê stran gotine hatibûn binçavkirin, hatin berdan.&nbsp;

	&nbsp;

	Di çarçoveya lêpirsenek Serdozgeriya Komarî ya Dîlokê ku dabû destpêkirin, duh kesên bi navê Merve Sefa Geçgel, Vedat Unalan, Eyup Demîr, Îbrahîm Halîl Guçlu, Muhammed Saîd Gorgun, Menderes Geçgel, Murat Ozkidir û Diyar Babat hatibûn binçavkirin. Piştî karûbarên binçavkirinê ji emniyetê wan birin edliyeyê. Hat zanîn ku her 8 kes jî bi hêceta ku “bi fermana rêxistinê tevlî pîrozbahiya Newrozê bûne û li Newrozê dema stran hatine gotin li gel stranbêj stran gotine” hatine binçavkirin û bi îdiaya “propaganda rêxistinê kirine” tên tawanbarkirin. Dozger ji wan pirsên wek, “Hûn li ser fermana kê tev li Newrozê bûn? Çi wezîfe dan we?” kiriye.&nbsp;

	&nbsp;

	Piştî îfadeya wan hat girtin her 8 kes jî bi şertên kontrola edlî hatin berdan.&nbsp;

	&nbsp;