
ÎHD: Divê bikaranîna çekên kîmyewî bê lêkolînkirin 

2022-10-26 14:08:43


	&nbsp;

	WAN - Serokê ÎHD’a Wanê Mehmet Karataş xwest bikaranîna çekên kîmyewî bên lêkolînkirin û divê ku daxuyaniyên rayedarên Tirkiyeyê esas neyên girtin.&nbsp;

	&nbsp;

	Komeleya Mafê Mirovan (ÎHD) a Şaxa Wanê têkildarî bikaranîna çekên kîmyewî ya li ser deverên Zap, Avaşîn û Metîna yên bi ser başûrê Kurdistanê ve li avahiya xwe civîna çapemeniyê li dar xist. Serokê ÎHD’a Wanê Mehmet Karataş di civînê de axivî û îşaret bi wê yekê kir ku çekên kîmyewî li gorî peymanên navnetewî hatiye qedexekirin û Tirkiye jî terefê wê peymanê ye.&nbsp;

	&nbsp;

	DAXWAZA LÊPIRSÎNÊ&nbsp;

	&nbsp;

	Karataş destnîşan kir ku bikaranîna çekên kîmyewî sûc e û divê li Tirkiyeyê Serdozgeriya Komarê ya erkdar derbarê bikaranîna çekên kîmyewî de lêpirsîn bê destpêkirin. Karataş destnîşan kir ku bikaranîna çekên kîmyewî dikarin bi lêpirsîn û lêkolînê bigihîje encamê. Karataş da zanîn ku divê ku daxuyaniyên rayedarên Tirkiyeyê esas neyên girtin û hewcehî bi lêkolînê heye. &nbsp;

	&nbsp;

	BERTEKA LI DIJÎ BINÇAVKIRINAN&nbsp;

	&nbsp;

	Karataş bertek nîşanî binçavkirina Seroka Yekîtiya Tabîbên Tirk (TTB) Şebnem Korur Fincanci û 11 rojnamevanan da û binçavkirina Fincanci û rojnamevanan nayê qebûlkirin û xwest tavilê bên berdan.&nbsp;

	&nbsp;