
‘Dixwazin belavbûna nûçeyên rasteqîn asteng bikin’  

2022-10-27 10:30:19


	MÊRSÎN - Nûçegihanê PÎRHA’yê yê Mêrsînê Dîren Keser diyar kir ku dixwazin bi binçavkirina rojnamevanan têgihiştinek din çêkin. Hevserokê HDP’a Mêrsînê Hoşyar Sariyildiz jî got îktidar dixwaze dengê rastiyê qut bike.&nbsp;

	&nbsp;

	Piştevaniya ji bo nûçegihanên Ajansa Mezopotamyayê (MA) û JinNewsê ku di 25’ê cotmehê de hatin binçavkirin û niha li Midûriyeta Polîsan a Enqereyê tên ragirtin berdewam dike. Ji 11 nûçegihanan, rojnamevan Zemo Aggoz duh piştî karûbarên îfadeyan bi biryara hefskirina li malê hat berdan.&nbsp;

	&nbsp;

	Li Mêrsînê rojnamevan, siyasetmedar û rêxistinên sivîl piştevaniya rojnamevanan dikin.&nbsp;

	&nbsp;

	‘DIXWAZIN ROJNAMEVANAN Û CIVAKÊ BITIRSÎNIN’&nbsp;

	&nbsp;

	Nûçegihanê Ajansa Nûçeyan a Pîr (PÎRHA) yê Mêrsînê Dîren Keser diyar kir ku bi binçavkirina rojnamevanan dixwazin civakê û rojnamevanan bitirsînin. Keser da zanîn ku binçavkirin û girtina rojnamevanan ne tiştek nû ye û hê îdianameya 16 rojnamevanên li Amedê nehatiye amadekirin û divê hemû rêxistinên rojnamevanan li ber binçavkirin û zextên li ser rojnamevanan rabin û vê rewşê qebûl nekin. Keser anî ziman ku bi van binçavkirinan dixwazin dengê Emîne Şenyaşar û hemû kesên edalet, azadî, demokrasî û aştiyê dixwazin bê qutkirin.&nbsp;

	&nbsp;

	‘DIXWAZIN DENGÊ RASTIYÊ QUT BIKIN’&nbsp;

	&nbsp;

	Hevserokê HDP’a Mêrsînê Hoşyar Sariyildiz jî destnîşan kir ku bi geşedanên piştî qanûna sansûrê re îktidar dixwaze bi mekanizmaya otokontrolê pêşî li nûçeyên rasteqîn ê çapemeniya azad bigire û dixwaze dengê rastiyê qut bike. Sariyildiz got îktidar dixwaze bi vê operasyonê peyama zilmê û faşîzmê bide civakê. Sariyildiz vê operasyonê wek “rêbaza şerê derûnî” pênase kir û xwest rojnamevan bên berdan.&nbsp;

	&nbsp;

	HELWESTA HEVPAR&nbsp;

	&nbsp;

	Hevserokê ÎHD’a Mêrsînê Hakki Demîr jî diyar kir ku li Tirkiyeyê di demên dawî de sepanên antî demokratîk gelek zêde bûne û îktidar dixwaze bi rêbaza têgihiştinê xebatên çapemeniya azad terorîze bike û divê her kes li dijî vê rabe û helwestek hevpar nîşan bide.&nbsp;

	&nbsp;

	&nbsp;