
Li dijî ‘qedexeya çalakiyan’ a li Rihayê doza betalkirinê hat vekirin  

2022-10-27 11:56:57


	&nbsp;

	RIHA - Şaxa OHD’a Rihayê ji bo betalkirina qedexeya çalakî û xwepêşandan a walîtiyê, li Dadgeha Kargêrî doz vekir.&nbsp;

	&nbsp;

	Şaxa Komeleya Hiqûqnasên ji bo Azadiyê (OHD), ji bo betalkirina qedexeya çalakî û xwepêşandanan ku Walîtiya Rihayê ji bo 15 rojan ragihandibû, li Dadgeha Kargêrî doz vekir. Di daxwaznameya dozê de hat destnîşankirin ku biryarên walîtiyê li dijî qanûnan û hiqûqê ye û bi van biryaran mafê civîn û xwepêşandanan tê binpêkirin. Her wiha OHD’ê diyar kir ku tu bingeheke biryarên qedexeyê nîne.&nbsp;

	&nbsp;

	‘MAFÊ MEŞÊ HAT BINPÊKIRIN’&nbsp;

	&nbsp;

	OHD’ê bi bîr xist ku walîtî ji bo qedexeyên xwe hincetên weke “ji bo parastina ewlekariya neteweyî, pergala cemaweriyê, pêşîlêgirtina sûc, parastina maf û azadiyên bingehîn” nîşan dide û bi vê yekê re jî mafê civîn û xwepêşandanan ku di Xala 34’emîn a Makeqanûnê de ye hatiye binpêkirin. &nbsp;OHD’ê xwest ku ev biryara qedexeyê bê betalkirin.&nbsp;

	&nbsp;