
Cenazeyên gelek leşkeran anîn Nexweşxaneya Dewletê ya Çelê

2022-11-01 13:57:51


	&nbsp;

	COLEMÊRG - Li gorî agahiyên ku hatine bidestxistin di nava hefteya borî de cenazeyên gelek leşkerên ku di şerê li Zap, Avaşîn û Metîna de hatine kuştin anîne Nexweşxaneya Dewletê ya Çelê.

	&nbsp;

	Operasyona ku dewleta tirk bi hevkariya PDK'ê di 17'ê Nîsanê de li dijî herêmên Zap, Avaşîn û Metîna daye destpêkirin di roja 229'an de bi şer û pevçûnên dijwar dewam dike. Hat ragihandin ku cenazeyên gelek leşkerên di şerê li dijî herêmên navborî de hatine kuştin anîne Nexweşxaneya Dewletê ya Navçeya Çelê ya Colemêrgê ku li ser xeta sînorê Başûrê Kurdistanê ye. Hat îdiakirin ku 8 leşkerên ku di pevçûnên li herêmê bi giranî birîndar bûbûn, tevî hemû mudaxileyan li nexweşxaneyên li herêmên Serê Sêvê û Bilêcanê hatin avakirin, nehatine xilaskirin û di nava hefteyekê de bi giştî cenazeyên 21 leşkeran di seatên şevê de anîne nexweşxaneyê.

	&nbsp;

	Li gorî agahiyên ku hatine bidestxistin, hat diyarkirin ku herî kêm hefteyê 4 rojan derengiyên seatên şevê cenazeyên leşkeran tînin nexweşxaneyê û navê yek ji wan jî di çapemeniyê de cih negirtî ye. Hat îdiakirin ku temênê leşkerên hatine kuştin di navbera 23 û 27 salî de ne û piraniya cenazeyan jî parçe parçe bûne.

	&nbsp;

	&nbsp;

	&nbsp;