
Mûayeneya bikelemçe li rojnamevan Şahînlî ferz kirin 

2022-11-03 10:38:56


	&nbsp;

	ENQERE - Nûçegihana me Ceylan Şahînlî ku bi 8 hempîşeyên xwe re li Enqereyê hatibû girtin, ji ber li dijî ferzkirina kelemçeyê derket, nehate mûayenekirin.&nbsp;

	&nbsp;

	Di çarçoveya lêpirsîneke ku li Enqereyê hate destpêkirin de di 25’ê cotmehê de Midura Karên Nivîsan a Ajansa Mezopotamyayê (MA) Dîren Yûrtsever, nûçegihanên MA’yê Berîvan Altan, Denîz Nazlim, Ceylan Şahînlî, Emrûllah Acar, Selman Guzelyuz û Hakan Yalçin û nûçegihanên JINNEWS’ê Habîbe Eren û Oznûr Deger ên bi îşkenceya polîsan hatibûn binçavkirin, di 29’ê cotmehê de bi îdiaya “endamtiya rêxistinê” hatin girtin.&nbsp;

	&nbsp;

	Nûçegihana MA’yê Ceylan Şahînlî ya girtin û birin Girtîgeha Jinan a Sîncanê bi gumana nexweşiya Hepatît B’yê (Zerik) duh birin nexweşxaneyê. Şahînlî ya di mûayeneya bijîşk de kelemçe ji destê wê nehat derxistin, tedawiya bi kelemçe qebûl nekir.&nbsp;

	&nbsp;

	Şahînlî, bêyî ku were tedawîkirin paş ve birin Girtîgeha Jinan a Sîncanê.&nbsp;

	&nbsp;

	&nbsp;