
Serhildana 'Jin, jiyan, azadî" di hefteya 10’an de ye 

2022-11-20 12:40:35


	NAVENDA NÛÇEYAN - Berxwedana ku li bajarên Rojhilat û Îranê bi dirûşma “Jin, jiyan, azadî” tê domandin, di hefteya 10’an de berdewam dike. &nbsp;&nbsp;

	&nbsp;

	Çalakiyên protestoyî yên ku li rojhilatê Kurdistanê û Îranê piştî qetilkirina jina ciwan a kurd Jîna Emînî dest pê kirin, di hefteya 10’an de didomin. Li Sine, Mahabad, Bokan, Xoy, Şino, Pîranşar, Serdeşt, Seqîz, Dîwandere, Merîwan, Qurwe, Kamyaran, Sehne, Pawe, Îlam, Abîdanan û gelek bajarên din gel li kolanan li ber xwe dide. Di dema çalakiyên li Dîwanderê de hêzên rejîmê êrişî çalakvanan kir û herî kêm 5 kes qetil kirin.&nbsp;

	&nbsp;

	Her wiha li Mahabadê bi sedan kes tev li merasîma cenazeyê Kemal Ahmet Pur bûn ku ji hêla rejîmê ve hatibû qetilkirin. Piştî merasîma cenaze jî çalakî mezintir bûn.&nbsp;

	&nbsp;

	Li bajarê Sineyê jî xwendekaran çalakî li dar xistin û rastî êrişa hêzên rejîmê hatin.&nbsp;

	&nbsp;

	Her wiha li bajarên Tehran, Meşhed, Îsfehan, Tebrîz, Şîraz, Ahwaz û çendek bajarên din jî çalakî hatin lidarxistin.&nbsp;

	&nbsp;