
Rejîma Îranê dîsa êrişî baregehên partiyên Rojhilat kir  

2022-11-21 09:19:23


	NAVENDA NÛÇEYAN - Rejîma Îranê dîsa êrişî baregehên partiyên ji rojhilatê Kurdistanê yên li Herêma Federe ya Kurdistanê kir. Di encama êrişan de welatiyekî jiyana xwe ji dest da.&nbsp;

	&nbsp;

	Hêzên rejîma Îranê şevê din saet di 00.20’an de êrişî baregehên partiyên rojhilatê Kurdistanê yên li Koye, Wargeha Cêjnîkan ya li nêzî Hewlêrê û baregeha Komeleya Zehmetkêşanî Kurdistan a li Zirgiwêz a Silêmaniyeyê kir.

	&nbsp;

	Hat zanîn ku rejîmê ji ewil bi çar moşekan baregeha Hîzba Demokrat a Kurdistan a Îranê ya li Koyeyê bombebaran kir. Di heman demê de baregehên Zehmetkêşana Kurdistan a li herêma Zirgiwêz a li Silêmaniyeyê û Wargeha Cêjnîkan a li nêzî Hewlêrê ku penaberên xelkê rojhilatê Kurdistanê lê dimînin bombebaran kir.&nbsp;

	&nbsp;

	Têkildarî êrişa hêzên rejîma Îranê, Endamê Rêveberiya Hizba Demokrat a Kurdistan ya Îranê Amanc Zêbayî ji Rojnewsê re axivî û wiha got: “Dewleta Îranê baregehên li Koye bombebaran ki. Têkildarî encamên êrişê heta niha tu agahî di destê me de nînin.”&nbsp;

	&nbsp;

	Li gorî agahiyên ji Komeleya Zehmetkêşan jî hatine standin, dewleta Îranê bi dronan êrişî herêma Bane Gewre ya li Zirgiwêzê kir.

	&nbsp;

	SIVÎLEK HAT QETILKIRIN

	&nbsp;

	Li gorî agahiyan, rejîma Îranê di heman demê de bi 2 droneyan êrişî wargeha Cêjnîkanê jî kiriye û ji ber êrişê welatiyekî jiyana xwe ji dest daye.

	&nbsp;