
Jinan li pêşiya Girtîgeha Sîncanê got: Dê serkeftin a jin, jiyan, azadî be 

2022-11-21 11:06:00


	&nbsp;

	ENQERE - Beriya Doza Kobanê jin li pêşiya Girtîgeha Sîncanê kom bûn û wiha gotin: “Dê serkeftin a têkoşîna jinan û dirûşma ‘jin, jiyan, azadî’ be.”

	&nbsp;

	Rûniştina 1’emîn a 19’emîn danişîna Doza Kobanê ku Hevserokên Giştî yên Partiya Demokratîk a Gelan (HDP) ên berê Selahattîn Demîrtaş û Fîgen Yuksekdag, endamên MYK’a HDP’ê ya berê jî di nav de 17 jê girtî 108 siyasetmedarjê tên darizandin, dê li Eywana Danişînan a Kampûsa Girtîgeha Sîncanê bê lidarxistin.&nbsp;

	&nbsp;

	Beriya danişînê, Hevseroka Giştî ya HDP’ê Pervîn Buldan, Berdevka Meclisa Jinan Ayşe Acar Başaran, rêveberên rêxistinên HDP’ê yên Amed û Enqereyê, nûnerên partiyên siyasî û rêxistinên civaka sivîl xwestin li pêşiya Girtîgeha Sîncanê daxuyaniyê bidin. Lê belê polîsan nehiştin ku daxuyanî bê dayîn.&nbsp;

	&nbsp;

	Jinên ku li pêşiya girtîgehê disekinin, astengiya ku polîsan derxistî bi dirûşma “Jin, jiyan, azadî” protesto kirin.&nbsp;

	&nbsp;

	‘DÊ SERKEFTINA JINAN BE’&nbsp;

	&nbsp;

	Berdevka Meclisa Jinan a HDP’ê Ayşe Acar Başaran li pêşiya girtîgehê daxuyanî da û wiha bertek nîşanî astengkirina polîsan da: “Hevalên me yên jin li hundir li benda me ne. Em ê piştevaniya wan bikin. Em ê nîşan bidin ku ne di nava çar dîwaran de û ne jî di bin dorpêça hêzên ewlekariyê de kesek nikare bi têkoşîna jinan paşdegav bide avêtin. Dê ev kes bên darizandin û serkeftin dê ya têkoşîna jinan û dirûşma ‘jin, jiyan, azadî’ be.”&nbsp;

	&nbsp;

	Jin, bi dirûşma “Jin, jiyan, azadî” derbasî eywana danişînê bûn.&nbsp;

	&nbsp;