ROJEVA 24'Ê MIJDARA 2022'YAN

2022-11-24 09:00:18


	* Lîstikvana şanoyê Şîlan Alagoz ku diyar kir ku desthilat bi kodên netewperest û olperest di qada çand û hunerê de tundiya li ser jinê rewa dike û wiha got: “Di hunerê de hişmendiya ku ‘jin nikare bike’ serwer e. Êdî em bi têkoşînê li ser dike bi qêrînê, stranên xwe dibêjin û lîstikên xwe dilîzin.”

	* Amediyan bertek nîşanî êrişên Tirkiyeyê yên li ser Bakur û Rojhilatê Sûriyeyê û başûrê Kurdistanê û gotin: “Tirkiye dixwaze her 4 parçeyên Kurdistanê hev du nebînin.”

	 

	* Endamên Meclisa Jinan a HDP’ê ji bo meşa ku dê bi pêşengiya TJA'yê li Geverê bê lidarxistin bang li jinan kirin û gotin: “Em ê bi dirûşme û felsefeya 'Jin, jiyan, azadî' dê qadan tije bikin û vê sedsalê bikin sedsala jinê.”

	 

	* Li Wanê polîsan bi qask, cop û pehînan li Firat Koçê nexweşîna şîzofreniyê pê re heye xistibûn. Lêpirsîna der barê polîsan bi iryara neşopandinê bi dawî bû. Dozger îdia kir ku şideta hatiye kirin şideteke "hevgirtî" bûye û tu unsûrên qanûnî rû nedane. 

	 

	* Serokê TÎP'ê yê Amedê û Salih Sargin û Rêvebira EMEP'ê ya Amedê Nûrgul Denîz ku li dijî êrişên li ser Bakur û Rojhilatê Sûriyeyê û Herêma Kurdistana Federe bang li gelan kirin ku dakevin kuçeyan û îşaret bi girîngiya têkoşîna hevpar kirin. 

	 

	* Rojnamevan-nivîskar Kakşar Oremar diyar kir ku berxwedana "Jin, Jiyan, Azadî"yê ya li Rojhilat û Îranê bûye sedem ku derz li dewletê bikevin û wiha got: "Êdî vegera vê berxwedanê tune ye. Meşrûiyeta dewletê nema." 

	 

	* Çalakiya Nobeta Edaletê ya Malbata Şenyaşar di roja 626’an de berdewam dike. 

	 

	* Doza derheqê Hevşaredara Farqînê Naşîde Toprak ku li şûna wê qeyûm hatibû tayînkirin dê li 8’emîn Dadgeha Cezayên Giran a Amedê bê lidarxistin. (09.00-17.00)  

	 

	* Sêyemîn rûniştina danişîna 19’an a Doza Kobanê dê li Kampûsa Girtîgeha Sîncanê bê dîtin. (10.00)

	 

	* Çalakiya Nobeta Edaletê ya malbatên girtiyan ên Amed û Îzmîrê dê îro jî bidome. (11.00-15.00) 

	 

	* MKGP dê Rapora Binpêkirina Mafên Rojnamegerên Jin li Şaxa ÎHD’a Stenbolê parve bike. (11.00)

	 

	* Bi boneya 25’ê Mijdarê Roja Têkoşîna li Dijî Tundiya Ser Jinê ya Navneteweyî de dê li gelek bajaran çalakî û xwepêşandan bên lidarxistin. (12.00-19.00)

	 

	* Parêzerên Garîbe Gezer ku li Girtîgeha Kandirayê hatibû qetilkirin dê têkildarî geşedanên di dema lêpirsînê li Şaxa ÎHD’a Stenbolê daxuyaniyê bidin. (13.00)