Tifaqa Ked û Azadiyê dê bi gel re bicive 

2022-12-09 16:21:13


	 

	EDENE - Tifaqa Ked û Azadiyê dê di 11’ê kanûnê de li Edeneyê bi gel re bicive û ji bo tevlibûnê bang kir. 

	 

	Tifaqa Ked û Azadiyê dê di 11’ê kanûnê roja yekşemê saet di 14.00’an de li Eywana Şanoyê ya Şaredariya Bajarê Mezin a Edeneyê bi dirûşma “Dem Dema Ked û Azadiyê ye” bi gel re civînekê li dar bixe. Berdevka Meclisa Jinan a Partiya Demokratîk a Gelan (HDP) Ayşe Acar Başaran, Endama Lijneya Berdevkan a Partiya Azadiya Civakî (TOP) Perîhan Koca, Serokê Giştî yê Partiya Tevgera Kedkar (EHP) Hakan Ozturk, Cîgirê Serokê Giştî yê Partiya Kedê (EMEP) Sedat Başkavak, Endamê MYKA’a Partiya Karkeran a Tirkiyeyê (TÎP)  Yûnûs Başaran û Berdevkê Demê yê Federasyona Meclisê Sosyalîst (SMF) Barış Kayaoglû dê tev li civînê bibin. Endamên Tifaqa Ked û Azadiyê yên Edeneyê ji bo civînê li navenda bajêr belavok belav kirin.