
Şandeya Hikûmeta Başûr dîsa çû Bexdayê

2022-12-11 10:09:07


	&nbsp;

	NAVENDA NÛÇEYAN - Şandeyeke ji Hikûmeta Herêma Federe ya Kurdistanê bi mebesta çareserkirina pirsgirêkan çûye Bexdayê.&nbsp;

	&nbsp;

	Ofîsa Medya û Agahdarkirinê ya Hikûmeta Herêma Federe ya Kurdistanê bi daxuyaniyekê ragihand ku duh şandeyeke ji Hikûmeta Herêma Kurdistanê, ji bo çareserkirina pirsgirêkên di navbera Herêma Kurdistanê û Iraqê yên li ser bingeha destûrê de çûye Bexdayê.&nbsp;

	&nbsp;

	Di daxuyaniyê de behsa armanca sereke ya serdana şandeyê hate kirin û ev agahî hatin dayîn: “Armanca serdana şandeyê guftûgokirina dosyaya xala 140’an, neft, gaz û mafên darayî yên Herêma Kurdistanê ya di qanûna budçeyê de ye. Her bwiha wê behsa mafên darayî yên pêşmergeyan jî were kirin.”

	&nbsp;

	Hêjayî bibîrxistinê ye ku di dema borî de jî şandeya Hikûmeta Herêmê ji bo çareserkirina heman pirsgirêkan çûbû serdana Bexdayê lê pirsgirêk nehatibûn çareserkirin.&nbsp;

	&nbsp;