Li Çewlikê 20 kes 2 roj in di bin çavan de ne 

2022-12-14 11:13:50


	ÇEWLIK -  Leşkeran duh di serê sibê de bi ser hin gundên navçeya Darahênê û gundê Ardukê yên Çewlikê de girtin û 20 kes binçav kirin. Ji ber ku li ser dosyayê biryara veşartinê heye sedema binçavkirinê nehat zanîn.

	 

	Leşkeran duh di serê sibê de bi ser gundên Mistan, Dêre û hin gundên din ên girêdayî navçeya Darahênê û gundê Ardurek ê giredayî Çewlikê de girtin. Di encama serdegirtina gundan de 20 welatî hatin binçavkirin, ji ber ku li ser dosyayê biryara veşartinê heye sedema binçavkirina li Fermandariya Cendermeyan a Bajêr tên ragirtin nehat zanîn.

	 

	Serokê Baroya Çewlikê Omer Farûk Hulaku diyar kir ku ji ber li ser dosyaya kesên hatine binçavkirin biryara veşartinê heye, sedemê binçavkirina wan hîn nebûne.