
Îstînafê cezayê Polatsoy û 4 kesên din erê kir 

2022-12-20 11:42:24


	RIHA - Nivîskar û rojnamevan Mehmet Serhat Polatsoy jî di nav de 5 kesên ku dadgeha herêmî 73 sal û 20 roj cezayê girtîgehê li wan birîbû ji aliyê Îstînafê ve hat erêkirin. Polatsoy got: “Bi biryarê dixwazin me bitirsînin. Ez natirsim, bêzar nabim û ez ê nerevim.”&nbsp;

	&nbsp;

	Li taxa Şevran a bi ser navçeya Pirsûsa Rihayê ve di 30’ê nîsana 2013’an de dihatin îdiakirin ku “kîsek bombeye” hatiye dîtin û bi hêceta vê yekê derbarê nivîskar û rojnamevan Mehmet Serhat Polatsoy, Dogan Sayin, Mehmet Ekrem Polatsoy, Şahîn Tanrikûlû, Ahmet Geçgel, Muslum Halhalli û Ayhan Orûç de doz hatibû vekirin. Ev 7 kes bi îdiaya “xerakirina yekitî û tevahiya dewletê”, “endamtiya rêxistinê”, “madeyên bitalûke bêdestûr li cem xwe girtine” û “propagandaya rêxistinkirî” dihatin darizandin. Di meha gulanê de 2’yemîn Dadgeha Cezayê Giran a Rihayê biryara dozê da û ji “endamtiya rêxistinê” 7 sal û 6 meh ceza, ji “madeyên bitalûke bêdestûr li cem xwe girtiye” 6 sal û 6 meh û 20 roj û 25 hezar lîre ceza li Mehmet Serhat Polatsoy birî. Ji “xerakirina yekitî û tevahiya dewletê” û “propagandaya rêxistinê” jî derbarê Polatsoy de biryara beraetê hat dayîn.&nbsp;

	&nbsp;

	Dadgehê li Mustafa Ekrem Polatsoy, Dogan Sayin, Şahîn Tanrikûlû û Muslum Halhalli jî ji sûcê “çekan ji bo rêxistinê temîn kirine” li her yekê 15 sal cezayê girtîgehê birî û derbarê Ahmet Geçgel û Ayhan Orûç de jî biryara beraetê da.&nbsp;

	&nbsp;

	ÎSTÎNAFÊ CEZA ERÊ KIR&nbsp;

	&nbsp;

	Li dijî vê biryara dadgeha herêmî serî li Dadgeha Îstînafê ya Herêma Dîlokê hat xistin. Dadgeha Îstînafê derbarê serlêdanê de biryar da û got ev biryara dadgeha herêmî li gorî ûsilê ye û ne li dijî hiqûqê ye û biryara redkirina serlêdanê da. Îstînafê bi giştî 73 sal û 20 roj cezayê girtîgehê li her 5 kesan hatibû birîn erê kir.&nbsp;

	&nbsp;

	‘EZ Ê NEREVIM’&nbsp;

	&nbsp;

	Nivîskar û rojnamevan Polatsoy li dijî vê biryarê derket û wiha got: “Bi biryarê dixwazin me bitirsînin. Ez natirsim, bêzar nabim û ez ê nerevim.” Polatsoy destnîşan kir ku wan li dijî biryara erêkirinê ya Îstînafê serî li Dadgeha Bilind dane ku biryara cezakirinê were betalkirin.&nbsp;

	&nbsp;