Derbarê kesên kuştina Pakistan Demîr protesto kiribûn de lêpirsîn hat destpêkirin 2022-12-20 11:57:55   MÊRDÎN - Li Kerboranê derbarê kesên li dijî qetilkirina Pakistan Demîr de meş li dar xistibûn lêpirsîn hat destpêkirin.    Li gundê Zengana bi ser navçeya Kerboranê ya Mêrdînê ve di 16’ê îlonê de Pakistan Demîr (34) ji aliyê hevjînê xwe Mehmet Emîn Oner ve hatibû kuştin. Ferdên malbata Pakistan û gelek welatiyên navçeyê li dijî vê kuştinê meş li dar xistibûn û protesto kiribûn. Serdozgeriya Komarê ya Kerboranê bi îdiaya “li dijî qanûna meş û xwepêşandanan muxalefet kirine” derbarê ferdên malbata Pakistan û gelek kesên ku rêveberên HDP’ê jî di nav de lêpirsîn da destpêkirin. Midûriyeta Polîsan li van kesan geriya û ji wan xwest biçin îfade bidin. Hevseroka HDP’a Mêrdînê Bêrîvan Bahçecî di nav van kesên lêpirsîn li wan hatiye vekirin de cih digire.