Malbata Şenyaşar: Heta ku bêedaletî bidome wê nobeta me berdewam bike

2022-12-20 12:27:28


	RIHA - Malbata Şenyaşar a li ber Edliyeya Rihayê Nobeta xwe ya Edaletê didomîne wiha got: “Heta ku bêedaletî bidome wê nobeta me berdewam bike.”

	 

	Çalakiya Nobeta Edaletê ya Malbata Şenyaşar a di 9’ê adarê de li ber Edliyeya Rihayê daye destpêkirin di roja 652’yemîn de berdewam dike. Malbatê bi wesayîta xwe ya li ber deriyê edliyeyê ve pankarta li ser “Edalet” dinivîsî daliqand û dest bi nobeta xwe kir. 

	 

	Malbatê li ser hesaba xwe ya medyaya dîjîtal de ev peyam parve kir: “Têkoşîna me ya edaletê nayê astengkirin, her hewldana li ser astengkirinê bêedaletiyek e. Heta ku bêedaletî bidome wê nobeta me berdewam bike.”